Politike

U la jashtë listave, Ditmir Bushati kërkon “pastrim”, i kthehet ashpër Ramës: PS po streson ekzekutorë financiarë! Në parti ka interesaxhinj, do punoj për vlera

Ditmir Bushati tha se brenda selisë e PS janë pranuar personazhe që e kanë deformuar vlerat e socialistëve, ndërsa shtoi se do të vijonte me zërin e tij kritik. 
Featured image of article: U la jashtë listave, Ditmir Bushati kërkon “pastrim”, i kthehet ashpër Ramës: PS po streson ekzekutorë financiarë! Në parti ka interesaxhinj, do punoj për vlera Ditmir Bushati

TIRANË– Ish-ministri i Jashtëm, Ditmir Bushati, i cili u la jashtë listave të PS nga kryeministri Edi Rama, nuk i ka kursyer kritikat ndaj Partisë Socialiste.

Gjatë një bashkëbisedimi me të rinjtë gjatë një lidhje live në “Instastory”, Bushati tha se brenda selisë e PS janë pranuar personazhe që e kanë deformuar vlerat e socialistëve, ndërsa shtoi se do të vijonte me zërin e tij kritik. 

Për më shumë bëhu pjesë e grupit më viral në Facebook, Dosja.al

“Planet e mia janë ato që i kam bërë publike dua të vazhdoj të kontribuoj në politikë. Dua të punoj për një PS, e cila ka në qendër të vëmendjes këto shqetësime që ngre unë, që kujdeset për interesin publik, që kujdeset për mirëqenien. Kemi parë për fat të keq këto vite, qoftë në PS, deformime të këtyre elementeve. Me keqardhje kam konstatuar dhe identifikuar, si dhe ndarë shqetësimet e mia në forumet e PS. Shqetësimi im kryesor ka qenë dhe mbetet me njerëz që e kanë krijuar karrierën politike në PD, duke blerë vota, më pas kanë shkuar në LSI, duke blerë vota, dhe sot i ofrohen PS, për të blerë vota. Apo njerëz që e kanë nisur në partinë Demokristiane dhe sot janë me PS. Ne nuk mundet ta banalizojmë apo zëvendësojmë rolin e aktivistit politik me rolin e një interesaxhiu, që i ofrohet një partie thjesht dhe vetëm për të marrë një vend pune. Unë do vijoj të bëj thirrje për respektimin e disa standardeve, për integritetin e tyre moral, profesional, dhe jo për të strehuar në listën e PS ato që i konsideroj ekzekutorët e gjakderdhjes financiare të këtij vendi. Mendoj se përmes vetëkorrigjimit PS do të ishte dhe do të jetë edhe më e fortë,”- tha ish-ministri Bushati.

(k.m./dosja.al)

Shto Koment