Aktualitet

U kapën në flagrancë duke transportuar 3 shtetas të huaj, arrestohen dy persona në Elbasan

Vihen në pranga 2 shtetas, pasi u kapën në flagrancë duke transportuar 3 shtetas të huaj nga vendet e treta.
Featured image of article: U kapën në flagrancë duke transportuar 3 shtetas të huaj, arrestohen dy persona në Elbasan

ELBASAN– Policia ka vënë në pranga dy shtetas të cilët po transportonin tre persona me nënshtetësi të huaj.

Dy shtetas po transportonin nga Korça, 3 shtetas nga vendet e treta, me qëllim dhënien ndihmë për kalim të paligjshëm të kufirit, kundrejt fitimit 150 euro për person, kapën dhe arrestuan shtetasit: H. H., 31 vjeç dhe H. E., 27 vjeç, banues në Korçë.

Njoftimi i policise:

Për më shumë bëhu pjesë e grupit më viral në Facebook, Dosja.al

Vijojnë goditjet e njëpasnjëshme ndaj veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit. Vihen në pranga 2 shtetas, pasi u kapën në flagrancë duke transportuar 3 shtetas të huaj nga vendet e treta. Në zbatim të detyrave të përcaktuara në planin e masave të hartuar nga DVP Elbasan, për të parandaluar dhe goditur aktivitetin e paligjshëm të dhënies ndihmë shtetasve të huaj, për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, specialistët për Hetimin e Trafiqeve të Paligjshme në DVP Elbasan, pas informacioneve të marra në rrugë operative se dy shtetas po transportonin nga Korça, 3 shtetas nga vendet e treta, me qëllim dhënien ndihmë për kalim të paligjshëm të kufirit, kundrejt fitimit 150 euro për person, kapën dhe arrestuan shtetasit: H. H., 31 vjeç dhe H. E., 27 vjeç, banues në Korçë. Këta shtetas u kapën nga shërbimet e Policisë, në aksin rrugor Pogradec-Elbasan, duke transportuar 3 shtetas të huaj me mjetin e tyre. Në cilësinë e provës materiale janë sekuestruar mjeti, 200 euro dhe 2 aparate celular. Materialet hetimore i kaluan Prokurorisë pranë Gjykatës së Shkallës Parë Elbasan, për veprën penale “Ndihma për kalim të paligjshëm të kufirit”.

(A.B)/Dosja.al

Shto Koment