Aktualitet

‘U hodhëm nga dritarja për të shpëtuar’/ E zonja e banesës që u shkrumbua në Milot: Na ka shkuar 90 milionë lekë, unë bërtita dilni jashtë…

  • I SHTRIRË në tokë! Efektivët e Tiranës ‘neutralizojnë’ personin që kërcënoi gjyqtaren, PAMJET nga arrestimi i tij në Komunën e Parisit
  • E zonja e banesës ka treguar të gjithë dinamikën si ndodhi ngjarja, ndërkohë që zjarri ka nisur fillimisht pranë kutisë së automatit, si pasojë e një një shkëndije elektrike.
    Featured image of article: ‘U hodhëm nga dritarja për të shpëtuar’/ E zonja e banesës që u shkrumbua në Milot: Na ka shkuar 90 milionë lekë, unë bërtita dilni jashtë… E moshuara ne Milot

    MILOT– Mëngjesin e sotëm u shkrumbua nga zjarri, banesa 2 katëshe në Milot të Kurbinit. Për fat të mirë, 7 anëtarët e kësaj familje mundën të shpëtonin duke dalë në kohë jashtë shtëpisë, e duke u hedhur nga dritaret. Kështu është shprehur e zonja e shtëpisë për mediat. E zonja ka treguar të gjithë dinamikën si ndodhi ngjarja, ndërkohë që zjarri ka nisur fillimisht pranë kutisë së automatit, si pasojë e një një shkëndije elektrike

    “Ngjarja ka ndodhur në orën 00:20. Ishim në gjumë, jemi 7 pjesëtarë të familjes. Veç kur mori flakë vendi edhe bërtita dilni se u dogjëm. Kanë marrë kalamajtë, nxorrën djalin nga dritarja. Plaku mbeti brenda, hyri djali në flakë e nxorri përjashta edhe kanë kryetari i komunës, ka ardhur kryeplaku i Milotit, kanë ardhur të gjithë rinia e më kanë ndihmuar me ujë për të shuar zjarrin, por mori flakë.Ne jemi dy pensionista, njerëzit i kam pa punë, fëmijët e vegjël, unë i kërkoj ndihmë shtetit, bashkisë të vënë dorë se ne jemi krejt përjashta. Unë për vete nuk kam asnjë lloj force ta rregulloj shtëpinë. Është djegur krejt. Tani vonë e kemi bërë shtëpinë. Si vlerë leku ka shkuar 90 milionë Lekë, por shteti sa të ketë mundësi të na ndihmojë. Unë për vete jam pensioniste. Shkaku i zjarrit ishte automati, shkëndijë elektrike. E kam parë unë e para zjarrin, mori flakë këtu te dera.

    Për më shumë bëhu pjesë e grupit më viral në Facebook, Dosja.al

    Atëherë bërtita unë dilni, kemi dalë nga dritarja, shyqyr që s’pata hekur në dritare, kemi dalë përjashta. Bërtita për ndihmë edhe kanë ardhur të gjithë. Unë s’kam asnjë lloj vërejtje, shteti e mbulon. Në qoftë se ka mundësi shteti të vëjë dorë, ja dimë për nder. Unë me forcat e mia nuk mund ta ndreq. Sot do qëndrojmë përjashta, s’kemi ku qëndrojmë”, shprehet zonja e shtëpisë.

    (a.b)/dosja.al

    Shto Koment