DiasporaRajoni

U helmuan nga kërpudhat, djali i familjarëve nga Gjilani tregon bisedën me ta: Ishin me të vjella, por nuk pranuan që unë të vija në Tiranë 

I ftuar në emisionin "Shqipëria Live", djali i Afrimit dhe Ferdinazes, u shpreh se kur foli më familjarët ata ishin më të vjella, por që nuk kishin pranuar që të shkonte në Durrës.    
Featured image of article: U helmuan nga kërpudhat, djali i familjarëve nga Gjilani tregon bisedën me ta: Ishin me të vjella, por nuk pranuan që unë të vija në Tiranë  Haki Haliti

GJILAN- Djali i familjarëve nga Gjilani Haki Haiti, që u helmuan në Durrës nga kërpudhat ka treguar versionin e tij të ngjarjes. I ftuar në emisionin “Shqipëria Live”, djali i Afrimit dhe Ferdinazes, u shpreh se kur foli më familjarët ata ishin më të vjella, por që nuk kishin pranuar që të shkonte t’i takonte.    

“Kam biseduar me ta, por nuk kanë pasur mundësi të flasin për shkak të gjendjes së tyre shëndetësore. I kam kërkuar gjyshës që të më japë në telefon babin, po ajo më tha se ai ishte shtrirë se kishte të vjella. I kërkova që të shkojë në Durrës, po nuk pranuan, thanë se ishin në gjendje të keqe por që po merrnin mjekim. Thanë që kemi ngrënë diçika por nuk e kisha fokusin se cfarë kishin ngrënë. U thashë që të shkonin te mjekja, ata më thanë se sa ishin kthyer dhe se i kishin dhënë mjekime”, tha ai.

Më tej ai tha se, kur shkoi në Tiranë, familjarët ishin në gjendje të keqe, si dhe mjeku i kishte thënë se nuk mund të bënin më asgjë për ta pasi, kishin kaluar 3 ditë që ata i kishin konsumuar kërpudhat.    

“Të enjten u nisa nga Gjilani në Tiranë, u nisa menjëherë. Kur mbërrita në Tiranë, ata ishin të tre gjallë. Po kur arrita, doja që t’i ndihmoja, por i takova vetëm për 5 minuta, doja që ta kalonim këtë mirë, i thash se kam ardhur t’i marrë për Bajram. Ata në Tiranë ishin në spital, doja që të bisedoja me mjekët pasi e pash që gjendja e tyre ishte, e rëndë. Kur e pyeta mjekun më tha se është prej kërpudhave, thash nuk ka mundësi të jetë kjo nga kërpudhat. Më tha mjeku se ishte tepër vonë, kanë kaluar 3 ditë. I thash se dua që të bëhej diçka me urgjencë, por më tha se ishte tepër vonë”, përfundoi ai. 

Për më shumë bëhu pjesë e grupit më viral në Facebook, Dosja.al

Elfete, Afrim e Ferzinaze Haliti shfaqën shenja helmimi ditën e shtunë në mbrëmje dhe u drejtuan për të marrë shërbim mjekësor në qendrën shëndetësore të Manzës. Më pas ata u nisën me urgjencë drejt QSUT-së, ku dhe ndërruan jetë.

(I.A/dosja.al)

Shto Koment