Aktualitet

U gjobit në ditëlindjen e Bes Kallakut, aktivisti Aulon Kalaja i drejtohet Ramës: Kapderr, nuk e njoh gjobën siç nuk njoh qeverinë, as maskën nuk e mbaj

Kalaja i drejtohet kryeministrit si “Kapterr Ramiu”, duke thënë më tej se nuk heq dorë nga presionet, por edhe ai nuk do të heqë dorë nga qëndresa e tij, ndërsa shton se edhe maskën nuk e mban që nga 15 tetori.
Featured image of article: U gjobit në ditëlindjen e Bes Kallakut, aktivisti Aulon Kalaja i drejtohet Ramës: Kapderr, nuk e njoh gjobën siç nuk njoh qeverinë, as maskën nuk e mbaj Aulon Kalaja, Bes Kallaku
Përditësuar:

TIRANË– Aktivisti Aulon Kalaja ishte një nga 30 personat që u gjobitën nga policia pasi ishte pjesmarrës në ditëlindjen e aktorit Bes Kallaku duke thyer kështu rregullat e vendosura kundër covid. Me anë të një postimi në rrjetet sociale, ai shprehet se kjo është një gjobë e paligjshme të cilën nuk e njeh, ashtu siç nuk njeh edhe qeverinë e Ramës.

Ai i drejtohet kryeministrit si “Kapterr Ramiu”, duke thënë më tej se nuk heq dorë nga presionet, por edhe ai nuk do të heqë dorë nga qëndresa e tij, ndërsa shton se edhe maskën nuk e mban që nga 15 tetori.

Postimi i plotë:

Për më shumë bëhu pjesë e grupit më viral në Facebook, Dosja.al

Më lajmëruan se kisha marë gjobë nga PPP e Edi Ramës, thënë ndryshe, Policia Private Politike e Kapterr Ramiut. Arsyeja e gjobës së paligjshme, ndaj meje dhe 29 të tjerëve, me sa mora vesh, ndër ta dhe Presidenti i Republikës, ishte se morëm pjesë në ditëlindjen e aktorit Bes Kallaku. Dua të deklaroj publikisht se nuk e njoh këtë gjobë, ashtu siç nuk njoh asnjë gjobë të qeverisë Rama, sepse nuk njoh as qeverinë Rama. Kam deklaruar në televizion se nuk e mbaj maskën në ecje dhe vazhdoj t’a bëj që nga 15 tetori. Kam shpallur mosbindjen civile, personalisht dhe do zbatoj vetëm vendimet që më duken të arsyeshme. Du t’i kujtoj sektit të rilindistëve, se kur isha në mbrojtje të Teatrit Kombëtar, policia Edi Ramës më hoqi patentën (nuk e kam një të tillë) dhe më vendosën 3 gjoba 100-mijë lekëshe. At’herë deklarova publikisht, por edhe një farë “drejtuesi” të Polocisë së Tiranës që më telefonoi i thashë se nuk e njoh gjobën dhe se jam i përgatitur të mar edhe 100.000 gjoba të tjera, per kauzën. Kapterr Ramiu nuk heq dorë nga presionet që nuk ziejnë as groshën dhe unë nuk heq dorë nga qëndresa ime. Nuk e kam bërë kur më ka lëshuar bandat dhe jo më, kur ai po ngordh në agoninë e fundit, regjimi e kam fjalën. Përballë do më kesh!.

(A.B)/Dosja.al

Shto Koment