Aktualitet

U ‘dogj’ nga KPK për fshehje pasurie/ Prokuroria rrëzon kallëzimin e avokatit për ish-gjyqtarin, Balliu ia hedh pa “lagur” pas largimit nga sistemi i drejtësisë

Prokurorja Marjola Mërtiri që ka marrë vendimin ka konstatuar se faktet e kallëzuara nga avokati nuk përbëjnë vepër penale. 
Featured image of article: U ‘dogj’ nga KPK për fshehje pasurie/ Prokuroria rrëzon kallëzimin e avokatit për ish-gjyqtarin, Balliu ia hedh pa “lagur” pas largimit nga sistemi i drejtësisë Gjyqtari i Gjykatës së Apelit Durrës Arjan Balliu duke dalë nga seanca dëgjimore

TIRANË– Prokuroria e Tiranës ka vendosur të mos fillojë procedim penal për ish-gjyqtarin e Apelit në Durrës, Arjan Balliu. Ish-gjyqtari u kallëzua nga avokati Fran Dashi bashkë me një listë të gjatë gjyqtarësh dhe prokurorësh, që sipas avokatit kanë fshehur pasurinë e do të duhet të hetohen përveç djegies nga Vettingu.

Prokurorja Marjola Mërtiri që ka marrë vendimin ka konstatuar se faktet e kallëzuara nga avokati nuk përbëjnë vepër penale.

Ish-gjyqtari u shkarkua nga KPK, nga raportet negative që u paraqitën në Komisionin e Pavarur të Kualifikimit nga ILDKPKI, që u morën si të drejta nga KPK.

Për më shumë bëhu pjesë e grupit më viral në Facebook, Dosja.al

ILDKPKI kishte dalë në përfundim se gjyqtari kishte patur dy raste konflikte interesi, po ashtu kishte fshehur pasurinë dhe kishte bërë deklarim të rremë vjetor. Sipas raportit, Balliu kishte rezultuar me bilanc negativ prej 11.7 milion lekësh.

(F.g/dosja.al)

Shto Koment