Aktualitet

U arrestua tre muaj më parë se kërcënoi dhe qëlloi pesë herë me armë zjarri në ajër, arrestohet sërish nga policia Feruzan Shehu

  • “Më sill 10 mijë euro ose do të vras”, kërcënoi dhe qëlloi me armë zjarri biznesmenin
  • Në muajin qershor Shehu në bashkëpunim me 27-vjeçarin Alban Tançi, dhe vëllanë e këtij të fundit, M. Tançi, ka kërcënuar biznesmenin Gëzim Balla në Bulqizë. Mësohet se Shehu është një prej personave që e ka telefonuar Ballën dhe i ka kërkuar që t’i japë 10 mijë euro, ose përndryshe do ta vriste. “Më jep 10 mijë euro ndryshe do të të vras,”- mësohet se thuhej gjatë telefonatës.
    Featured image of article: U arrestua tre muaj më parë se kërcënoi dhe qëlloi pesë herë me armë zjarri në ajër, arrestohet sërish nga policia Feruzan Shehu

    TIRANE– Feruzan Shehu është arrestuar ditën e sotme nga policia e Tiranës. Mirëpo, tre muaj më parë, i njëjti shtetas është arrestuar nga forcat blu po me të njëjta akuza që paraqiten ditën e sotme në njoftimin e policisë.

    Për çfarë akuzohet Shehu, historia që bëri që policia ta arrestonte për herë të dytë? 

    Në muajin qershor Shehu në bashkëpunim me 27-vjeçarin Alban Tançi, dhe vëllanë e këtij të fundit, M. Tançi, ka kërcënuar biznesmenin Gëzim Balla në Bulqizë. Mësohet se Shehu është një prej personave që e ka telefonuar Ballën dhe i ka kërkuar që t’i japë 10 mijë euro, ose përndryshe do ta vriste. “Më jep 10 mijë euro ndryshe do të të vras,”- mësohet se thuhej gjatë telefonatës.

    Biznesmeni Balla e denoncoi në Polici dhe shkoi bashkë me ta në një takim me të riun. Pikërisht në këtë moment, pasditen e 16-qershorit, Shehu qëlloi 5 herë me armë zjarri drejt biznesmenit dhe u largua bashkë me dy vëllezërit.

    Për më shumë bëhu pjesë e grupit më viral në Facebook, Dosja.al

    Nuk dihet se nëse Shehu është lënë i lirë nga policia pas arrestimit të parë, apo nëse është larguar e më pas është shpallur në kërkim.

    Njoftimi i policise: 

    Tiranë. Vijon puna për kapjen e personave me rrezikshmëri të lartë shoqërore që janë shpallur në kërkim. Kapet dhe ndalohet një 32-vjeçar i shpallur në kërkim për veprat penale “Vrasja me paramendim” e mbetur në tentativë, e kryer në bashkëpunim, “Armëmbajtja pa leje”, “Shtrëngimi në anë të kanosjes apo dhunës për dhënien e pasurisë” dhe “Prishja e rendit dhe qetësisë publike”. Specialistët e Seksionit të Kërkimit në DVP Tiranë, në bashkëpunim me DVP Dibër, pas një punë hetimore disajavore, bazuar dhe në informacionet e marra për vendndodhjen e një shtetasi me rrezikshmëri të lartë shoqërore të shpallur në kërkim, menjëherë kanë organizuar punën për kapjen e tij. Si rezultat e një pune të mirëorganizuar dhe falë veprimeve të shpejta dhe profesionale, në rrugën “Mustafa Aranitasi”, në orët e para të mëngjesit të sotëm, u bë e mundur kapja dhe vënia në pranga e shtetasit F. Sh., 32 vjeç, për të cilin Gjykata e Rrethit Gjyqësor Dibër ka caktuar masën e sigurisë “Arrest në burg”, për veprat penale “Vrasja me paramendim” e mbetur në tentativë, e kryer në bashkëpunim, “Armëmbajtja pa leje”, “Shtrëngimi me anë të kanosjes apo dhunës për dhënie pasurie” dhe “Prishja e rendit dhe qetësisë publike”. Ky shtetas, më datë 19.06.2020, në vendin e quajtur “Busti i Skënderbeut”, në Fushë Bulqizë, ka qëlluar me armë zjarri në ajër, duke kanosur shtetasin G. B., për t’i marrë një shumë parash nëpërmjet shtrëngimit. Veprimet e mëtejshme do të kryhen nga Drejtoria Vendore e Policisë Dibër.

    (A.B)/Dosja.al

    Shto Koment