Bota

U arrestua pasi raportoi për Wuhanin/ BE-ja bën thirrje për lirimin e saj, Peter Stano: Zhang ka qenë subjekt i torturave, duhet të marrë ndihmë mjekësore

Zhang Zhan është dënuar të hënën me katër vjet burg, pasi është shpallur fajtore për provokimin e telasheve, një akuzë kjo që shpesh ngrihet kundër aktivistëve në Kinë. 
Featured image of article: U arrestua pasi raportoi për Wuhanin/ BE-ja bën thirrje për lirimin e saj, Peter Stano: Zhang ka qenë subjekt i torturave, duhet të marrë ndihmë mjekësore Zhang Zhang

BRUKSEL-Bashkimi Evropian ka bërë thirrje për lirimin e menjëhershëm të gazetares  kineze, Zhang Zhan, e cila është dënuar me burg, pasi ka dokumentuar fazat e hershme të pandemisë së koronavirusit në qytetin e Wuhanit. Deklarata e BE-së u lëshua pak përpara se Brukseli të nënshkruajë një pakt të madh investimi me Pekinin.

“Para ndalimit të saj, Zhang Zhan kishte raportuar në lidhje me pandeminë e koronavirusit në Wuhan. Sipas burimeve të besueshme, Zhang ka qenë subjekt i torturave dhe keqtrajtimeve gjatë ndalimit të saj dhe gjendja e saj shëndetësore është përkeqësuar seriozisht. Është e rëndësishme që ajo të marrë ndihmën e duhur mjekësore,”– ka thënë zëdhënësi i politikës së jashtme të BE-së Peter Stano në një deklaratë.

Zhang Zhan është dënuar të hënën me katër vjet burg, pasi është shpallur fajtore për provokimin e telasheve, një akuzë kjo që shpesh ngrihet kundër aktivistëve në Kinë. 

Për më shumë bëhu pjesë e grupit më viral në Facebook, Dosja.al

Zhang është arrestuar në maj dhe është një prej disa gazetarëve që janë përballur me probleme, për shkak të raportimit për situatën në Wuhan, qytetin e parë kinez ku ka shpërthyer koronavirusi. Zhang, 37 vjeçe, ka qenë në grevë urie disa muaj dhe avokatët e saj thonë se gjendja e saj shëndetësore është e dobët. Gazetarja është arrestuar edhe në vitin 2019, pasi ka shprehur mbështetje për aktivistët pro demokracisë në Hong Kong.

(k.a/dosja.al)

Shto Koment