Bota

Fluturimet direkte Serbi-Kosovë/ Trump: Një tjetër fitore falë ambasadorëve, thoshin se nuk do bëhej dot

Donald Trump ka deklaruar se kjo marrëveshje për një linjë direkte Kosovë-Serbi është një fitore.
Featured image of article: Fluturimet direkte Serbi-Kosovë/ Trump: Një tjetër fitore falë ambasadorëve, thoshin se nuk do bëhej dot Donald Trump

SHBA- Donald Trump, Presidenti i Shteteve të Bashkuara të Amerikës, e ka cilësuar një fitore marrëveshjen e arritur mes Kosovës dhe Serbisë, që përcakton rivendosjen e një linje fluturimi të drejtpërdrejtë mes këtyre dy vendeve. Nëpërmjet një postimi në Twitter, Donald Trump shkruan se për herë të parë do të ketë fluturime të drejtpërdrejta midis Serbisë dhe Kosovës dhe kjo falë ambasadorëve Robert O’Brien dhe Richard Grenell.

“Të gjithë thoshin se nuk bëhej dot. Por për herë të parë në një gjeneratë do të ketë fluturime të drejtpërdrejta midis Serbisë dhe Kosovës. Një tjetër fitore. Faleminderit ambasadorëve Robert O’Brien dhe ambasadorit Richard Grenell.””, shkruan presidenti i SHBA-ve.

Për më shumë bëhu pjesë e grupit më viral në Facebook, Dosja.al

Një ditë më parë u nënshkrua marrëveshja për linjën ajërore Prishtinë-Beograd, në ambasadën e SHBA-së në Berlin, nga sekretari shtetëror në ministrinë serbe të Ekonomisë Milun Trivunaç, dhe Eset Berisha drejtor i Autoritetit të Aviacionit Civil të Kosovës.  Të dy udhëheqësit më të lartë të shtetit të Kosovës,  Presidenti Hashim Thaçi dhe kryeministri në largim Ramush Haradanaj e mirëpritën nënshkrimin e marrëveshjes në Berlin. Fluturimet Prishtinë-Beograd dhe anasjelltas në të ardhmën do të realizohen nga kompania gjermane Lufthansa.

(J.V;F.G/Dosja.al)

Shto Koment