BotaRajoni

Trump: Vendimi për emergjencat kombëtare lidhur me Ballkanin Perëndimor mbetet në vend

Presidenti i SHBA-së, Donald trump merr vendimin për të zgjatur emergjencat kombëtare në lidhje me Ballkanin Perëndimor.
Featured image of article: Trump: Vendimi për emergjencat kombëtare lidhur me Ballkanin Perëndimor mbetet në vend Presidenti i SHBA-së, Donald Trump.

Presidenti i SHBA-së, Donald Trump shtyu të martën vendimin e emergjencës kombëtare në lidhje me Ballkanin Perëndimor, i cili u shpall në vitin 2001 dhe njoftoi Kongresin se kërcënimet për të cilat është marrë vendimi janë ende të pranishme.

“Kërcënimi që përbëhet nga veprimet e personave të angazhuar, ose që ndihmojnë, sponsorizojnë ose mbështesin dhunën ekstremiste në ish-Republikën e Maqedonisë (që është tani Republika e Maqedonisë Veriore) dhe gjetiu në rajonin e Ballkanit Perëndimor, ose aktet që pengojnë zbatimin e Marrëveshjeve të Dejtonit në Bosnjë ose Rezolutën 1244 të Këshillit të Sigurimit të Kombeve të Bashkuara të 10 qershorit 1999, në Kosovë “, – tha Presidenti i SHBA-së në shënimin dërguar Kongresit.

Vendimi i Trump gjithashtu thotë se “aktet e dhunës ekstremiste dhe veprimtaria penguese, të përshkruara në këto Urdhëresa Ekzekutive janë armiqësore ndaj interesave të Shteteve të Bashkuara” dhe se ato “vazhdojnë të përbëjnë një kërcënim të pazakontë dhe të jashtëzakonshëm për sigurinë kombëtare dhe politikën e jashtme të Shteteve të Bashkuara.”

“Për këtë arsye kam vendosur që është e nevojshme të vazhdohet emergjenca kombëtare në lidhje me Ballkanin Perëndimor,” – tha ai.

Urdhri ekzekutiv për të rritur emergjencën kombëtare në lidhje me Ballkanin Perëndimor fillimisht u nënshkrua nga Presidenti Xhorxh W. Bush më 26 qershor 2001.

Burimi: N1

(R.L/Dosja.al)

Shto Koment