Aktualitet

Atentat në Dukat të Vlorës! Vritet 27-vjeçari, ishte dënuar me burg në Itali. Policia i gjeti armën në makinë, prej kohësh ruhej

Vritet me armë zjarri Beniamin Faslliu Bezhani! Autorët e kanë ndjekur dhe pasi ka lënë të fejuarën në shtëpinë e saj, e kanë qëlluar me armë zjarri brenda makinës së tij. I riu sapo kishte dalë nga burgu në Itali por nuk dihet përse ishte dënuar. Policia e Shtetit ka nisur nga puna për identifikimin dhe kapjen e autorëve.
Featured image of article: Atentat në Dukat të Vlorës! Vritet 27-vjeçari, ishte dënuar me burg në Itali. Policia i gjeti armën në makinë, prej kohësh ruhej Beniamin Faslliu Bezhani

VLORË- Atentat me armë zjarri në fshatin Dukat të Vlorës! 27-vjeçari i identifikuar si Beniamin Faslliu Bezhani është vrarë me armë zjarri në aksin Orikum-Llogara brenda makinës së tij. Burime për Dosja.al bëjnë me dije se i riu po kthehej në shtëpi pasi sapo kishte lënë të fejuarën në banesën e saj dhe më pas ishte nisur për në shtëpinë e tij.

Autorët e atentatit e kanë ndjekur dhe kanë nisur që të qëllojnë drejt makinës së tij, e cila ka marrë dhjetra plumba. Disa prej tyre kanë kapur 27-vjeçarin, i cili ka humbur kontrollin e makinës dhe kanë dalë nga rruga.

Ndërkohë Policia ka mbërritur me urgjencë në vendngjarje pas marrjes së një telefonate nga një banor i zonës. Ai pikasi i pari mjetin në kanal dhe njoftoi për një të vdekur brenda makinës tip “Benz”. Forcat e rendit kanë mbërritur në vendngjarje dhe kanë nisur hetimet për identifikimin dhe kapjen e autorëve.

Për më shumë bëhu pjesë e grupit më viral në Facebook, Dosja.al

Për të kapur vrasësit e 27-vjeçarit, Policia ka ngritur postblloqe pranë Ujit të Ftohtë dhe të gjithë zonave të tjera ku edhe mund të kenë kaluar autorët.

27-vjeçari nuk ishte person i panjohur për Policinë, pasi vetëm pak kohë më parë ai ishte kthyer në Shqipëri, pasi kishte përfunduar dënimin e tij në Itali, ku edhe ishte dënuar për trafik droge. Në makinën e tij u gjet një armë zjarri. Shenjë kjo që tregon se ai e priste një përplasje…

(k.m/dosja.al)

  • 22:06

    Sa kishte dërguar të dashurën në shtëpi! Si ndodhi ATENTATI ndaj Beniamin Bezhanit, i riu ruhej…iu gjet armë në makinë

    Detaje të reja janë zbuluar për atentatin ndaj 27-vjeçarit Beniamin Bezhani në Dukat të Vlorës. Burime për Dosja.al bëjnë me dije se të riut i është bërë pritë në hyrje të fshatit, kur po kthehej në banesë. I riu sapo kishte dërguar në shtëpinë e saj të fejuarën e tij.

    Beniamin Bezhani

    Autorët e kanë ndjekur për disa kohë dhe më pas kanë nisur që të qëllojnë me breshëri ndaj tij. Edhe pse Bezhani ka tentuar që t’i largohej autorëve, nuk u ka shpëtuar plumbave të tyre por humbi kontrollin e mjetit dhe përfundoi në kanal. Sipas informacioneve paraprake në mjetin tip Benz të viktimës është gjetur edhe një armë zjarri, çka lë të kuptohet se i riu ruhej prej kohësh.

  • 22:06

    ‘Alo Policia? Një makinë ka dalë nga rruga, dikush ka vdekur’/ TELEFONATA e qytetarit ZBARDHI atentatin në Vlorë: 27-vjeçari u qëllua me disa plumba (DETAJE)

    Policia e Shtetit ka dhënë njoftimin zyrtar lidhur me atentatin e ndodhur në Dukat pak çaste më parë. Një qytetar ka telefonuar policinë dhe e ka njoftuar për një makinë të braktisur anës rrugës, ku brenda saj ka konstatuar një të pajetë.

    NJOFTIMI I PLOTË: 

    Më datë 01.12.2020, rreth orës 21:00, në Sallën Operative Vlorë ka ardhur një  telefonatë nga një qytetar se në Fushë- Dukat, Orikum një automjet ka ndaluar në rrugë dhe brenda tij ka një person të pa jetë. Menjëherë kanë shkuar shërbimet e Policisë dhe kanë konstatuar të pajetë shtetasin B. B., rreth 27 vjeç, dyshohet ka humbur jetën nga përdorimi i armës së zjarrit. Shërbimet e Drejtorisë Vendore të Policisë Vlorë dhe të  Stacionit të Policisë Orikum kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen. Grupi hetimor nën drejtimin e Prokurorisë po vijon punën për sqarimin e rrethanave të ngjarjes, me qëllim identifikimin dhe kapjen e autorëve.

  • 21:38

    Atentati në Vlorë! Vritet me armë zjarri i riu me dy mbiemra, sa kishte dalë nga burgu në Itali

    Personi i vrarë në Vlorës është Beniamin Faslli Bezhani, 27 vjeç. Burime për Dosja.al bëjnë me dije se viktima ka qenë në burg në Itali para disa kohësh. Për të kapur autorin e vrasjes së tij, Policia e Shtetit ka ngritur postblloqe të shumta deri te “Uji i ftohtë”.

  • 21:34

    Vrasja në Vlorë/ FOTO NGA VENDNGJARJA! ‘Benzi’ i bardhë i bërë shoshë me plumba, gjendet i shkrumbuar

    Gjendet një makinë e djegur në fshatin Dukat të Vlorës. Siç duket edhe nga fotoja, mjeti tip “Benz” ka 8 shenja plumbash, që lë të kuptohet se mes viktimës dhe autorëve ka pasur përplasje me armë zjarri. 

    Makina e djegur

Shto Koment