Aktualitet

Trenat nuk kanë naftë/ Linja Vorë-Hani i Hotit prej 4 ditësh jashtë funksionit (FOTO)

Trenat nuk kanë naftë. Udhëtarë ngelen në rrugë, asnjë informacion nga institucionet.
Featured image of article: Trenat nuk kanë naftë/ Linja Vorë-Hani i Hotit prej 4 ditësh jashtë funksionit (FOTO) Foto nga stacioni i trenit në Ishëm

Shkodër- Treni i pasagjereve të linjës Vorë-Hani i Hotit ka disa ditë që ka ndërprerë punën dhe nga institucionet nuk ka asnjë njoftim për këtë vendim. Pasagjerët nuk kanë qenë të informuar dhe madje kanë dalë në stacion për të marrë trenin.  Dosja.al mëson se arsyeja e kësaj situate është se nuk ka naftë për trenat.

Drejtori rajonal i linjës Vorë- Hani i Hotit, Mustafa Peçi për këtë çështje u shpreh se nuk ishte në dijeni të arsyes së mungesës së trenave pasi sipas tij janë të tjerë ata që merren me këtë punë. Por theksoi se trenat nuk lëvizin prej ditësh.

Nëse i hedhim një sy terrenit në stacionin e trenit në Ishëm, biletaria është e mbyllur pasi tren nuk ka. Sipas orarit te afishuar treni duhej te ishte ne stacionin e Ishmit ne orën 08 e 51 të mëngjesit, por prej 4 ditësh asnjë tren nuk ka kaluar aty.

Foto nga stacioni në Ishëm:

J.V/Dosja.al

Një Koment në “Trenat nuk kanë naftë/ Linja Vorë-Hani i Hotit prej 4 ditësh jashtë funksionit (FOTO)

  1. Pika qe nuk i bie kesaj qeverie

Shto Koment