Politike

E PLOTË/ Tre eurodeputetë letër Borrell: Pse në raportin e KE për Shqipërinë nuk përmendet blerja e votës? Hetimet, kusht thelbësor për BE

David Lega së bashku me dy eurodeputetët e tjerë, Michael Gahler, dhe Lukas Mandl, kërkojnë që Borrel t'u japë përgjigje lidhur me faktin se përse Komisioni Europian nuk e ka përmendur “blerjen e votës” në Shqipëri si një çështje me rëndësi, duke përmendur dosjen e Shijakut dhe të Durrësit, të njohura ndryshe 339 dhe 184.
Featured image of article: E PLOTË/ Tre eurodeputetë letër Borrell: Pse në raportin e KE për Shqipërinë nuk përmendet blerja e votës? Hetimet, kusht thelbësor për BE Joseph Borrel dhe David Lega

BRUKSEL– Eurodeputeti David Lega, raporteri për Shqipërinë në Parlamentin Europian dhe njëherazi përfaqësuesi i PPE, së bashku me dy eurodeputetë të tjerë i kanë dërguar një letër, përfaqësuesit të lartë të Bashkimit Europian, Josep Borrel. Lega së bashku me dy eurodeputetët e tjerë, Michael Gahler, dhe Lukas Mandl, kërkojnë që Borrel t’u japë përgjigje lidhur me faktin se përse Komisioni Europian nuk e ka përmendur “blerjen e votës” në Shqipëri si një çështje me rëndësi, duke përmendur dosjen e Shijakut dhe të Durrësit, të njohura ndryshe 339 dhe 184. Në letrën e tyre, eurodeputetët shkruajnë se janë të shqetësuar nga fakti se për dosjet nuk ka të arrestuar dhe as persona që kanë përfunduar në Gjykatë, duke hedhur dyshime lidhur me forcën e ligjit.

Jemi të zhgënjyer pasi në raportin e Komisionit Europian 2020 nuk përmendet fare ‘blerja e votës’ A e ka konsideron Komisioni se Shqipëria e ka përmbushur me sukses çështjen e blerjes së votës? Nëse po, ju lutem përshkruani detajet e progresit të kësaj çështjeje Nëse jo, ju lutem shpjegoni pse kjo çështje nuk është përmendur në raportin progresin e 2020-tës,”-shkruhet ndër të tjera në letrën e dërguar. 

 

Për më shumë bëhu pjesë e grupit më viral në Facebook, Dosja.al

 

LETRA E PLOTË: 

Blerja e votës është një problem serioz Borrel. Sot i kërkuam Josep Borrel përse Komisioni Europian nuk ka përmendur shitblerjen e votës në raportin e 2020. Nisja e hetimeve ndaj të akuzuarve për blerjen e votave është një kusht thelbësor për BE dhe jo vetëm për PPE. Si raporter për monitorimin e Shqipërisë, gjithmonë do të fokusohem tek sundimi i ligjit dhe demokracia. Shitblerja e votës është një problem serioz për demokracinë dhe nuk mund të pranohet në një vend kandidat për në BE. Pyetje me Shkrim e nënshkruar nga tre eurodeputetë: Për: Përfaqësuesin e Lartë Borrell.  
Objekti: Shitblerja e votës në Shqipëri. Vëzhguesit ndërkombëtarë të zgjedhjeve kanë raportuar vazhdimisht për problemet me blerjen e votave në Shqipëri. Veçanërisht rastet e Dosjes 339 (Shijak) dhe Dosjes 184 (Dibër) kanë fituar ekspozim mediatik ndërkombëtar, në të cilin zyrtarë të lartë të partisë (Ministra, Kryetarë të Bashkive, Deputetë) dyshohet të jenë të përfshirë në ndikimin e paligjshëm në zgjedhje.  
Fatkeqësisht, krimet e pretenduara ende nuk janë ndëshkuar përkundazi kanë sjellë edhe me promovime të aktorëve të përfshirë. Meqenëse për çështjet e përmendura ende nuk ka një arrestim dhe nuk kanë arritur në gjykatë, ne jemi shumë të shqetësuar për shkeljen e angazhimit të Shqipërisë për sundimin e ligjit. Për më tepër, në konkluzionet e Këshillit të Përgjithshëm të Marsit 2020 deklarohet se “Kuadri negociues do të miratohet nga Këshilli dhe duhet të pasqyrojë ecurinë me sukses të  Shqipërisë  të pesë kushteve kryesore siç janë … fillimi i hetimeve kundër atyre që akuzohen për blerjen e votës … përfshirë fillimin e hetimeve dhe përfundimin e gjykimeve të para kundër zyrtarëve të lartë publik dhe politikanëve”. Jemi të zhgënjyer pasi në raportin e Komisionit Europian 2020 nuk përmendet fare ‘blerja e votës’ A e ka konsideron Komisioni se Shqipëria e ka përmbushur me sukses çështjen e blerjes së votës? Nëse po, ju lutem përshkruani detajet e progresit të kësaj çështjeje Nëse jo, ju lutem shpjegoni pse kjo çështje nuk është përmendur në raportin progresin e 2020-tës.

David Lega, Suedi
Michael Gahler, Gjermani
Lukas Mandl, Austri.

(a.k.dosja.al)

Shto Koment