Sport

Trajneri gjerman “vjell vrer” ndaj Guradiolës dhe filozofisë së tij: Titujt te Barcelona i fitoi Messi, jo ai

Felix Magath,drejtor sportiv i Admira Wacker në Austri, dha një intervistë për “Sport Bild”, ku injoroi Guardiolën dhe vlerësoi Messin.
Featured image of article: Trajneri gjerman “vjell vrer” ndaj Guradiolës dhe filozofisë së tij: Titujt te Barcelona i fitoi Messi, jo ai Lionel Messi dhe Pep Guardiola

SPANJË-Barelona arriti kulmin e saj rreth një dekadë më parë, gjatë kohës kur drejtohej nga Pep Guardiola, por ka nga ata që besojnë se puna e trajnerit spanjoll, tani në krye të Manchester City-t, është e mbivlerësuar dhe se sukseset e asaj skuadre erdhën falë Leo Messit.

I këtij mendimi është Felix Magath, ish-trajner i njohur në Bundesligë, aktualisht drejtor sportiv i Admira Wacker në Austri, i cili dha një intervistë për “Sport Bild”, ku injoroi Guardiolën dhe vlerësoi Messin.

“Ishte Messi ai që fitoi tituj, jo Guardiola. Pa Messin, ky sistem kurrë nuk do të kishte funksionuar me kaq sukses për Guardiolën. Përndryshe, ai do të kishte fituar Ligën e Kampionëve me Bayernin ose Manchester City-n shumë kohë më parë. Ai fitoi vetëm falë Lionel Messit, i cili mund të ndryshojë një ndeshje nga hiçi”, – tha Magath, i cili gjithashtu analizoi se loja e ekipeve të Guardiolës është “e mërzitshme”.

Për më shumë bëhu pjesë e grupit më viral në Facebook, Dosja.al

“Kjo lloj loje funksionon vetëm nëse ke lojtarë teknikisht më të mirë se rivalët e tyre. Për spektatorin, të kesh topin dhe ta vërtitësh është thjesht e mërzitshme. Një ekip i nivelit të lartë nuk ka nevojë për atë,”- shtoi Magath, tri herë kampion i Bundesligës si trajner (një herë me Ëolfsburgun dhe tri herë me Bayernin).

E.Ç (Dosja.al)

Shto Koment