Sport

Dede: “Ekipi reagoi dhe tregoi karakter. Nuk ndihesh mirë, kur pëson gol të tillë”

“Vetëm dy seanca kemi qenë bashkë. Presioni i humbjeve të fundit dhe dëshira për fitore e solli këtë rezultat. Pas disa gabimeve individuale, e rëndësishme është t’i japim kurajë lojtarëve”
Featured image of article: Dede: “Ekipi reagoi dhe tregoi karakter. Nuk ndihesh mirë, kur pëson gol të tillë”
Përditësuar:

SHKODER – Trajneri i ri i bardhebluve, Nevid Dede, shpresonte në një fund tjetër të ndeshjes së “Loro Boriçit”, e cila ishte edhe debutuese për të në kry të stolit kryeqytetas. Por me gjithë hidhërimin që shkaktoi goli i pësuar në fund, ai e konsideron pozitive ndeshjen që zhvilloi Tirana në Shkodër ndaj Vllaznisë.

“E rëndësishme është që ekipi reagoi dhe tregoi karakter. Nuk ndihesh mire, kur pëson gol të tillë. Më vjen keq për mënyrën se si erdhi ndeshja. E pësuam nga tre topa të gjatë. Më vjen keq për çunat, për paraqitjen  e tyre.”

Gabimet në mbrojtje? “Në futboll ndodhin edhe situata të tilla. Linja e mbrojtjes e mbajti mirë kundërshtarin. Ata kanë armë të fortë kundërsulmin dhe aty duhet të bënim mirë. E rëndësishme është që skuadra, pavarësisht mungesave, reagoi mirë. Ky është realiteti dhe futbolli. Koha ka qenë e shkurtër për ta përgatitur ndeshjen. Disa lojtarë i kishim te kombëtaret. Vetëm dy seanca kemi qenë bashkë. Presioni i humbjeve të fundit dhe dëshira për fitore e solli këtë rezultat. Pas disa gabimeve individuale e rëndësishme është t’i japim kurajë lojtarëve”.

Ndikimi i mungesave? “Do të thosha që të gjithë lojtarët që ishin gati për sot, kanë qenë në fushë. Hoxhallari mendoj se mund ta bëjë mirë qendërmbrojtësin. Vangjeli ka një shpirt të admirueshëm, pavarësisht se mosha bën të sajën. Detyra e çdo trajneri është të marrë maksimumin nga lojtarët, që ata të japin më të mirën. E rëndësishme është që të rikuperojmë sa më shpejt Torasën. Shumë shpejt kthehet edhe Toshevski”.

Për më shumë bëhu pjesë e grupit më viral në Facebook, Dosja.al

Rikthimi te Tirana? “Isha komod tek U-19 e kombëtares. E pranova këtë mision, kemi kontratë 2-vjeçare. Nga largimi i Kobinah është përfituar financiarisht. Egbo meriton komplimente, por këta janë lojtarët, vetëm 3 lojtarë kemi me eksperiencë të madhe. Shumë shpejt besoj se do të vijnë edhe rezultatet”.

Pritja? “Klima ishte shumë pozitive, gjeta miqtë e mi, nga Osmani te Muka dhe Halili. Të gjitha këto më bënin më shumë optimistë. Më pritën mirë dhe u ndjeva si në shtëpi, nëse do ishte rezultati pozitiv do të ishte akoma më mirë. Shpresoj që punën e lodhshme ta rikthejmë te rezultate.”

B.T (Dosja.al)

Shto Koment