Aktualitet

“I gjeta të 3 pajetë në kuzhinë, në pozicione të ndryshme”/ Flet administratori i Ostrenit, Tola: Soba kishte qenë ndezur, 16 vjeçarja shumë e trishtuar

Altin Tola ka treguar se në momentin që mbërriti në banesë të 3 personat ishin të pajetë.
Featured image of article: “I gjeta të 3 pajetë në kuzhinë, në pozicione të ndryshme”/ Flet administratori i Ostrenit, Tola: Soba kishte qenë ndezur, 16 vjeçarja shumë e trishtuar Rajmonda Tola, me dy fëmijët, Rudina Tola dhe Fatjon Tola.

Bulqizë- Altin Tola, administratori i Njësisë Administrative të Ostrenit, ka treguar detaje të reja në lidhje me ngjarjen ku humbën jetën tre anëtarë të familjes Tola, Rajmonda Tola, me dy fëmijët, Rudina Tola dhe Fatjon Tola.

Tola ka deklaruar për mediet se në mometin që ka shkuar në vendin e ngjarjes, të tre personat ishin të pajetë.

“Kam kontaktuar dhe kam qenë ndër personat e parë që kanë shkuar në vendin e ngjarjes. Në momentin që shkova atje, 3 personat e tjerë kishin ndërruar jetë. U gjetën në pozicione të ndryshme në kuzhinë. Ndërsa vajzën e kishin gjetur dy kunatat e Rajmondës. Më pas njoftuan organet e shëndetësisë. Dy infermiere dhe shoferi i ambulancës kanë shkuar në vendin e ngjarjes, por ata kishin ndërruar jetë dhe i kishin dhënë ndihmë mjekësore vajzës së vogël, Meritës.”, u shpreh ai.

Ai ka theksuar më tej ende nuk dihet shkaku i saktë i vdekjes së 3 personave.

“Unë kur shkova, nuk kishte asnjë aromë të keqe. Soba kishte qenë ndezur. Zona jonë është e ftohtë dhe detyrimisht ngrohemi me dru. A ka ardhur nga zjarri, nga gazi, nga ushqimet, ne ende nuk dimë gjë. Sapo të dali ekspertiza e shëndetësisë, atëherë do dalin e vërteta. Në mbledhjen e radhës të Këshillit Bashkiak do të propozohet që të kërkohet një ndihmë financiare për të zbutur sado pak dhimbjen e tyre. Unë i kam të afërmit e mi.”, është shprehur ai.

Për më shumë bëhu pjesë e grupit më viral në Facebook, Dosja.al

Ndërsa për 16-vjeçaren e mbijetuar, Merita, ai ka treguar se vajza është e trishtuar dhe nuk është në gjendje të përballojë këtë situatë.

Ngjarja e rëndë ndodhi më 15 shkurt në Bulqizë, ku nëna me dy fëmijët e saj u gjetën të pajetë. Burimet nga grupi i ekspertizës bëjnë me dije se tre anëtarët e familjes Tola humbën jetën si pasojë e asfiksisë nga soba e drurit, me të cilën ngroheshin.  E helmuar mbeti edhe vajza tjetër Merita, 16 vjeç, por ajo fatmirësisht mbijetoi dhe aktualisht ndodhet në QSUT në Tiranë jashtë rrezikut për jetën. Në momentin që ndodhi ngjarja, kryefamiljari nuk ndodhej në banesë pasi punonte në Greqi.

J.V/Dosja.al 

Shto Koment