AktualitetDiasporaRajoni

EMRAT+FOTO/ Tragjedi në Shqipëri, humbin jetën tre anëtarët e familjes nga Kosova, Kryetari i Komunës së Gjilanit: Duhet të zbardhet ngjarja nga autoritet shqiptare   

Telegrafi shkruan se nëna, djali dhe bashkëshortja e familjes Haliti nga Gjilani kanë humbur jetën në rrethana të paqarta. 
Featured image of article: EMRAT+FOTO/ Tragjedi në Shqipëri, humbin jetën tre anëtarët e familjes nga Kosova, Kryetari i Komunës së Gjilanit: Duhet të zbardhet ngjarja nga autoritet shqiptare    Afrim, Ferzinaze dhe Elfete Haliti

GJILAN- Një ngjarje e rëndë ka ndodhur ditën e sotme në Shqipëri, ku tre anëtarët e një familje nga Kosova kanë humbur jetën. Telegrafi shkruan se nëna, djali dhe bashkëshortja e familjes Haliti nga Gjilani kanë humbur jetën në rrethana të paqarta në qytetin e Durrësit, teksa ishin me pushime.   

Vdekjen e tre pjestarëve të familjes Haliti, Elfete, Afrim dhe Ferzinaze e ka bërë të ditur  kryetari i Komunës së Gjilanit, Lutfi Haziri, i cili në letrën e ngushëllimit dërguar familjes Haliti, shkruan se kjo ngjarje duhet që të zbardhet sa më shpejt nga autoritetet shqiptare të drejtësisë.

“Me trishtim e mora lajmin për ndarjen nga jeta në mënyrë tragjike të tre anëtarëve të familjes suaj, në Shqipëri, Elfete, Afrim e Ferzinaze Haliti. Kjo tragjedi na ka tronditur të gjithëve dhe apeli im është që të ndriçohet rasti sa më parë nga autoritetet e Republikës së Shqipërisë. Familje e dashur Haliti, ju lus që të bëheni të fortë për ta përballuar këtë tragjedi që na tronditi të gjithë. Zoti ua lehtësoftë dhembjen!”, shkruhet në letrën e Hazirit.

Për më shumë bëhu pjesë e grupit më viral në Facebook, Dosja.al

(I.A/dosja.al)

Shto Koment