Aktualitet

Trafiki i arabëve, Lleshaj: Keqardhje që janë përfshirë drejtues policie

Lleshaj tha se ditët e fundit është goditur një rrjet trafikimi emigrantësh të paligjshëm.
Featured image of article: Trafiki i arabëve, Lleshaj: Keqardhje që janë përfshirë drejtues policie Sandër Lleshaj dhe zyrtarët e përfshirë në traikun e arabëve

TIRANË- Ministri i Brendshëm, Sandër Lleshaj ka reaguar sot për çështjen e trafikut të arabëve në Shqipëri. Në një intervistë në “Top Talk” në Top Channel, Lleshaj tha se ditët e fundit është goditur një rrjet trafikimi emigrantësh të paligjshëm. Më tej ai shtoi se në këtë rrjet trafikantësh kanë qenë të përfshirë dhe punonjës të Policisë së Shtetit dhe për këtë i vjen keq, pasi kanë qenë të gjithë drejtues të lartë.

Ditët e fundit është goditur një rrjet trafikimi emigrantësh të paligjshëm, rrjet i cili përfshinte në vetvete për fat të keq edhe punonjës të Policisë së Shtetit, madje drejtues të lartë të saj. Dua të theksoj që në krye të herës që lufta e Policisë së Shtetit për të goditur rastet e inkriminimit të radhëve të saj, dhe për forcimin e integritetit të gjithë punonjësve, mbetet prioritet i dorës së parë. Integriteti është formula e vetme që do të na çojë te suksesi dhe plotësimi i misionit të Policisë së Shtetit”, u shpreh Lleshaj.

Për më shumë bëhu pjesë e grupit më viral në Facebook, Dosja.al

Më tej ai u shpreh se “rasti i para disa ditëve nga Prokuroria dhe SHÇBA brenda strukturës së Migracionit dhe Kufirit të Policisë së Tiranës, është një sinjal, i cili duhet vlerësuar nga të gjithë, për të parë me shumë kujdes nivelin e angazhimit, integritetin dhe përgjegjësinë për ushtrimin e detyrës nga të gjithë ata që kanë përgjegjësi të kësaj natyre”.

(A.B. Dosja.al)

Shto Koment