Politike

Tortura e shqiptarëve në Kakavijë, Hajdari thirrje Ramës: Po rrezikohen jetët e njerëzve, lëri pushimet dhe zgjidh situatën

Rudina Hajdari i ka bërë thirrje qeverisë që t'i japë zgjidhje sa më shpejt situatës në Kakavijë, pasi po rrezikohet shëndeti i qytetarëve.
Featured image of article: Tortura e shqiptarëve në Kakavijë, Hajdari thirrje Ramës: Po rrezikohen jetët e njerëzve, lëri pushimet dhe zgjidh situatën Rama, Radha në doganë dhe Hajdari

TIRANË- Deputetja Rudina Hajdari ka reaguar në lidhje me situatën e rënduar në Kakavijë. Në një postim Në Facebook, Hajdari i ka bërë thirrje qeveritarëve, që të lënë pushimet dhe deklaratat boshe dhe të hidhen në aksion për t’i dhënë zgjidhje situatës. Ajo ka shtuar, se udhëtarëve po u rrezikohet shëndeti, si nga COVID-19, po ashtu edhe nga temperaturat e larta.

Gjithashtu Hajdari u ka bërë thirrje qytetarëve të Gjirokastrës, të ndihmojnë bashkëatdhetarët e tyre, si dhe të strehojnë fëmijët apo të moshuarit nëse kanë mundësi.

Postimi i plotë

Për më shumë bëhu pjesë e grupit më viral në Facebook, Dosja.al

Jam shumë e shqetësuar për fatin e mijëra bashkëqytetarëve të cilët po vuajnë rradhët e stërgjata në Kakavije. Së pari dua ti bëj thirrje qytetarëve të Gjirokastrës të solidarizohen sa të munden me ata që kanë hall sot, duke dhuruar ujë e ushqime por edhe duke strehuar nëse munden fëmijët e të moshuarit. Kur qeveria na lë në baltë, duhet të përkrahim fort njëri tjetrin. Së dyti i bëj thirrje qeverisë të lerë pushimet dhe deklaratat boshe por te hidhet urgjent në aksion konkret për të zgjidhur këtë situatë.
Nuk është koha as për plazh e as për deklarata politike. Situata e krijuar po rrezikon jetët e njerëzve. Së pari nga Covid, sepse grumbullimet janë masive dhe të pakontrolluara e së dyti nga temperaturat e larta dhe rreziku i dehidratimit, për shkak se nuk ka mundësi furnizimi me ujë të pijshëm.
Njerëzit kanë hall dhe e kanë urgjent!! Personalisht do të angazhohem në biseda me homologë të Parlamentit Grek për të ndihmuar sadopak në zgjidhjen e situatës.

Në pikën kufitare të Kakavijës, vargu i makinave ka shkuar deri në 20 km. Ministria e Jashtme njoftoi disa orë më parë, se pala greke do të rrisë stafin shëndetësore dhe kapacitetet e testimit. Ndërkohë po bisedohet edhe për zgjatjen e orarit të kalimit të kufirit. Mësohet se që prej orës 14:00 deri në 17:00, në nga pika kufitare e Kakavijës kanë kaluar 1000 udhëtarë.

(g.sh/dosja.al)

Shto Koment