Bota

‘Three Gorges Dam’/ Diga më e madhe në botë, ekspertët vënë në pikëpyetje funksionalitetin dhe efikasitetin e saj

Diga e madhe ndodhet në një seksion në rrjedhën e sipërme të Yangtze dhe ndihmon në parandalimin e përmbytjes në rrjedhën e poshtme, duke bllokuar ujërat e shiut në një rezervuar të madh, dhe më pas kontrollon lëshimin të këtij uji përmes portave.

‘Three Gorges Dam’ është projekti më i madh hidrocentral i ndërtuar ndonjëherë. Kur filloi ndërtimi në 1994, ajo u krijua jo vetëm për të gjeneruar energji elektrike për të shtyrë rritjen ekonomike të Kinës, por edhe për të zbutur lumin më të gjatë të Kinës, duke mbrojtur miliona njerëz nga përmbytjet fatale duke u bërë një pikë turistikë dhe krenaria kombëtare e Kinës.

Por nuk ka funksionuar në atë mënyrë.

Si fillim, i gjithë projekti kushtoi 200 miliardë juanë (28.6 miliardë dollarë), dhe u deshën gati dy dekada për t’u ndërtuar dhe zhvendosja e më shumë se një milion banorëve përgjatë lumit Yangtze. Dhe ndërsa qeveria premtoi që diga do të jetë në gjendje të mbrojë komunitetet ndaj përmbytjeve, efikasiteti i saj shpesh është vënë në dyshim.

Këto dyshime u rishfaqën kohët e fundit, pasi pellgu i Yangtze u mbush nga reshjet më të dendura të 60 viteveve të fundit. Si pasojë e përmbytjeve më shumë se 158 njerëz kanë vdekur duke shkaktuar një humbje ekonomike prej 144 miliardë juanë (20.5 miliardë dollarë).

Me gjithë shkatërrimin, autoritetet kineze pretendojnë se Diga ‘Three Gorges’ ka arritur të luajë një “rol vendimtar” në interceptimin e ujërave të përmbytjes. Por me shumë stacione matëse që monitorojnë rrjedhën e lumenjve në pellgun Yangtze duke parë nivele rekord të lartë të ujit këtë verë, disa gjeologë thonë se roli i kufizuar i Digës së Tre Grykave në kontrollin e përmbytjeve po vihet realisht në dyshim.

Për më shumë bëhu pjesë e grupit më viral në Facebook, Dosja.al

Ja se si funksionon diga

Diga e madhe ndodhet në një seksion në rrjedhën e sipërme të Yangtze dhe ndihmon në parandalimin e përmbytjes në rrjedhën e poshtme, duke bllokuar ujërat e shiut në një rezervuar të madh, dhe më pas kontrollon lëshimin të këtij uji përmes portave. Rezervuari prej 660 kilometrash ndohet sipër në luginat e ngushta të Tri Grykave – një seri kanionesh të pjerrëta të njohura për bukurinë e tyre.

Duke marrë parasysh gjendjen e klimës, e cila pritet të sjellë përmbytje më të rënda, më të shpeshta, disa ekspertë thonë se Kina do të detyrohet të gjejë zgjidhje të reja për gjeneratat e ardhshme.

Burimi:CNN

(A.K.Dosjs.al)

Shto Koment