Bota

Theu karantinën për të takuar prindërit, kërkohet dorëheqja e krahut të djathtë të Boris Johnson

Teksa vendi ka mbi dy muaj në izolim, krahu i djathtë i kryeministrit Boris Johnson, Dominic Cummings ka thyer karantinën, e për këtë shkak mbi të janë hedhur akuza dhe kërkohet dorëheqja e tij.
Featured image of article: Theu karantinën për të takuar prindërit, kërkohet dorëheqja e krahut të djathtë të Boris Johnson Dominic Cummings

BRITANI E  MADHE- Britania e Madhe është një ndër vendet më të goditura nga koronavirusi ku numri i të vdekurëve nga ky virus vdekjeprurës ka shkuar mbi 36 mijë që prej fillimit të shpërthimit.

I izoluar dhe nën masa drastike për frenimin e Covid-19, në të gjithë Britaninë qytetarë dhe qeveritarë janë të detyruar që respektojnë vendimet që ka marrëqeveria.

Por kur vendi ka mbi dy muaj në izolim, krahu i djathtë i  kryeministrit Boris Johnson, Dominic Cummings ka thyer  rregullat e karantinës.

Nga mediat e huaja mësohet se këshilltari i kreut të ekzekutivit ka udhëtuar nga Londra drejt fermës së prindërve në Durham në muajin mars, për tu vetë-izoluar atje, ndërkohë që kishte shfaqur simptoma të Covid-19. Ai me këtë lëvizje ka thyer rregullat e Qeverisë, sepse në kohë pandemie rregulla të tilla janë të njëjta për të gjithë njerëzit.

Pasi ky lajm është zbuluar në Britani ka nxitur reagime të shumta duke hedhur edhe akuza për hipokrizi, ndërkohë shenja pakënaqësie pati edhe mes vetë ligjvënësve konservatorë. Për këtë rast shefi i policisë Martyn Underhill, u shpreh se këtë shkelje flagrante, njerëzit do t’ua ‘përplasin’ efektivëve në fytyrë, në momentin që do të ndalojnë njerëzit për të dalë në plazh, në parqe apo për të kaluar një fundjavë mes miqsh në ambiente të mbi populluara.

Për më shumë bëhu pjesë e grupit më viral në Facebook, Dosja.al

Gjithashtu burime të afërta të Cummings thonë se ai nuk është i shqetësuar nga akuzat dhe kritikat e ashpra për veprimet e tij, si edhe nuk është aspak i shqetësuar për dorëheqjen ose largimin e tij nga puna.

Deri më tani Britania e Madhe ka rregjistruar mbi 36 mijë viktima nga koronavirusi, ndërsa 254 mijë të tjerë janë infektuar.

Burimi: BBC

A.C/Dosja.al

Shto Koment