Bota

Thanë se do t’ja jepnin të parës SHBA-ve vaksinën ndaj COVID-19, ministrja franceze “i tërheq veshin” kompanisë: E papranueshme

Ministrja franceze e Ekonomisë reagoi ashpër ndaj Sanofi, pasi deklaruan se do t’ja jepnin SHBA-ve të parës vaksinën. Ajo kontaktoi me “Sanofi”, të cilët i siguruan më pas se vaksina do të shpërndahet njësoj për të gjithë.
Featured image of article: Thanë se do t’ja jepnin të parës SHBA-ve vaksinën ndaj COVID-19, ministrja franceze “i tërheq veshin” kompanisë: E papranueshme

FRANCË -Ministrja franceze e Ekonomiksë, Agnes Pannier-Runacher, ka reaguar ashpër për lajmin se SHBA do të jetë e para në radhë për të marrë vaksinën ndaj koronavirusit, që do të prodhohet nga grupi farmaceutik “Sanofi”.

“Për ne do të ishte e papranueshme që t’i jepet prioritet një vendi apo një tjetër, me një pretekst që është vetëm financiar”, tha ajo në një intervistë me Sud Radio.

Ministrja franceze kontaktoi me “Sanofi”, të cilët i siguruan më pas se vaksina do të shpërndahet njësoj për të gjithë.

Shefi ekzekutiv i “Sanofi”, Paul Hudson, tha dje se SHBA është e para në radhë për të marrë vaksinën, pasi është një nga financueset e para.

“Qeveria e SHBA-ve ka të drejtë të porosisë e para, sepse ka rrezikuar duke investuar”, tha Hudson.

Për më shumë bëhu pjesë e grupit më viral në Facebook, Dosja.al

Sipas ekspertëve të shëndetësisë, lufta për sigurimin e vaksinës rrezikon që të lë jashtë vendet e varfëra që nuk kanë mundësi të paguajnë për vaksinën.

Ditën e djeshme ndërkohë, më shumë se 140 liderë botërorë dërguan dje një letër të hapur për OKB dhe UNAIDS, duke bërë thirrje që vaksina të shpërndahet për të gjithë.

“Sanofi” ndërkohë, së bashku me korporatën britanike “GlaxoSmithKline” të mbështetur edhe nga SHBA, ka njoftuar se mund të prodhojë deri në 600 milion doza në vit.

(G.Sh./dosja.al)

Shto Koment