Rajoni

Thaçi kthesë 180 gradë: Mbështes taksën ndaj mallrave serbe, vendim i drejtë

Hashim Thaçi ka ndryshuar tërësisht qëndrim lidhur me taksën ndaj mallrave serbe. Ai shprehet se vendimi i qeverisë është i drejtë dhe do të vijojë të mbetet në fuqi.
Featured image of article: Thaçi kthesë 180 gradë: Mbështes taksën ndaj mallrave serbe, vendim i drejtë Hashim Thaçi

KOSOVË- Presidenti i Kosovës Hashim Thaçi, ka dalë në një konferencë për mediet, ku ka folur lidhur me atë që është dikutuar në Samitin e Berlinit, ndërsa ka ndryshuar tërësisht qëndrim për taksën e vendosur nga qeveria e Kosovës, ndaj mallrave serbe.

“Pozicioni i Kosovës në dy prezantimet ka qenë shumë i qartë – dialogu mund të vazhdojë i pakushtëzuar, taksa ka qenë vendim i drejt dhe duhet të mbetet në fuqi”, ka deklaruar Thaçi. 

Sipas tij Kosova është paraqitur mirë në Samitin e mbajtur gjatë ditës së djeshme.

“Duke shprehur falënderimin dhe mirënjohjen për rolin aktiv dhe tash mobilizues dhe angazhues të Kancelares Angela Merekel dhe të Presidentit Emmanuel Macron – vlerësoj se ne dhe liderët e rajonit kemi theksuar qartë dëshirën, nevojën dhe domosdoshmërinë që rajoni të lëviz më shpejt drejt Bashkimit Europian”, deklaroi Presidenti. 

Më tej ai shprehet se Kosova është zotuar për të kryer “detyrat e shtëpisë” që çojnë në heqjen e vizave. 

Për më shumë bëhu pjesë e grupit më viral në Facebook, Dosja.al

“Kemi konfirmuar zotimin për t’i kryer punët tona. Poashtu dua të potencoj se shtrohet nevoja për bashkëpunim më të mirë ndërfqinjësor. Me një Evropë më të bashkuar dhe më të fort gjërat do të zgjidhen më shpejt dhe në mënyrë më cilësore”, tha Thaçi, ndërsa shtoi: “Sa i përket domedoshmërisë për liberalizim – mendoj se do të kemi një reflektim, që do të mund të lëvizet. Jemi më me shpresë dhe opzitimizëm”.

Më tej ai tha: “Mesazhet besoj se do të merren seriozisht dhe do të na japin një mbështetje më praktike dhe më të prekshme – në të kundërtën do të ishte një zhgënjim i madh. Nuk po kërkojmë dhuratë, vetëm repsketimin e së drejtës tonë”.

Pak më parë, kryeministri i Kosovës, Ramush Haradinaj, u shpreh në një intervistë, se në Berlin i ishte bërë mëshumë presion nga Edi Rama dhe Hashim Thaçi për taksën ndaj serbisë sesa nga Vuçiç dhe liderët e tjerë. (Lexo këtu)

(B.B/ Dosja.al)

Shto Koment