Aktualitet

Terrorizuan banorët duke qëlluar me armë zjarri në ajër, arrestohen 2 vëllezërit në Kolonjë, në banesë iu gjenden pushkë dhe pistoletë (MOMENTET E NDALIMIT)

VIDEO
Mësohet se në prangat e Policisë kanë rënë dy vëllezërit me iniciale S. Z, 36 vjeç dhe M. Z., 34 vjeç. Ata kanë qëlluar me armë zjarri në fshat si dhe kanë kundështuar forcat e Policisë.
Featured image of article: Terrorizuan banorët duke qëlluar me armë zjarri në ajër, arrestohen 2 vëllezërit në Kolonjë, në banesë iu gjenden pushkë dhe pistoletë (MOMENTET E NDALIMIT) Foto nga aksioni i Policisë

KOLONJË- Policia ka arrestuar në Kolonjë dy vëllezërit me iniciale S. Z, 36 vjeç dhe M. Z., 34 vjeç, të cilët kanë qëlluar me armë zjarri në ajër në fshatin Novoselë. Dy vëllezërit janë arrestuar nga forcat “Shqiponja”, pasi shkakuan panik në fshat. Teksa Policia iu bëri kontroll në banesë, ata kundërshtuan efektivët, por brenda pak minutave ata u arrestuan. Policia u sekuestroi dy armë zjarri tip pushkë, një pistoletë tip “Zastava” me 4 fishekë, si edhe 1572 copë fishekë.

Njoftimi i Policisë:

Finalizohet operacioni policor i koduar “Novosela”. Operacioni nga Komisariati i Policisë Kolonjë në bashkëpunim me Forcën e Posaçme “Shqiponjat”, për goditjen e veprimtarisë kriminale të armëmbajtjes pa leje. Mbanin armë zjarri në banesë, qëlluan në orët e vona të natës në ajër duke shkaktuar panik tek banorët e zonës, por identifikohen dhe vihen në pranga gjatë operacionit.

Dy autorët e dyshuar, kundërshtuan me dhunë punonjësit e policisë por me ndërhyrjen e menjëhershme të Forcës së Posaçme “Shqiponjat”, neutralizohen dhe vihen në pranga.

Për më shumë bëhu pjesë e grupit më viral në Facebook, Dosja.al

Policia sekuestron arsenal armësh e municion luftarak. Shërbimet e Komisariatit të Policisë Kolonjë pas njoftimit të marrë se në fshatin Novoselë, kishte të shtëna me armë zjarri, menjëherë kanë organizuar punën për identifikiminn, kapjen dhe arrestimin e autorëve. Pas veprimeve të shpejta profesionale, policia ka arritur të identifikojë dy autorët e dyshuar të cilët kanë kundërshtuar me dhunë punonjësit e policisë për të mos i shoqëruar në Komisariat.

Në këtë kuadër është organizuaur dhe finalizuar operacioni policor i koduar “Novosela”, ku pas ndërhyrjes profesionale të Forcës së Posaçme “Shqiponjat”, në bashkëpunim me shërbimet e Komisariatit të Policisë Kolonjë, u bë kapja dhe prangosja e shtetasve:

S. Z., 36 vjeç dhe M. Z., 34 vjeç, (vëllezër), banues në Novoselë.

Gjithashtu këta shtetas, kanë kundërshtuar punonjësit e policisë, në momentin kur forcat do të ushtronin kontroll në banesën e tyre, ku konkretisht u gjetën e sekuestruan në cilësinë e provës materiale dy armë zjarri tip pushkë, një pistoletë tip “Zastava” me 4 fishekë, si edhe 1572 copë fishekë, të cilat i posedonin pa leje. Nga veprimet hetimore rezultoi se dy shtetasit e mësipërm, kanë qëlluar me armë zjarri në ajër duke prishur qetësinë publike, ku si pasojë e të shtënave një predhë ka rënë në banesën e shtetasit Q. B., pa shkaktuar dëme. Materialet i kaluan Prokurorisë të Rrethit Gjyqësor Korçë për veprat penale “Armëmbajtja pa leje”, “Kundërshtimi i punonjësit të policisë së rendit publik” dhe “Prishja e qetësisë publike”.

J.V/Dosja.al 

Shto Koment