Politike

Tërmeti i fuqishëm, Xhaçka: Mos përhapni panik, dëmet janë modeste

Më tej ajo shtoi se edhe dëmet kanë qenë mjaft modeste në krahasim me ato që mund të kishin ndodhur.
Featured image of article: Tërmeti i fuqishëm, Xhaçka: Mos përhapni panik, dëmet janë modeste oLTA xHAçKA

TIRANË– Ministrja Olta Xhaçka u shpreh se dita e sotme ka qenë shumë e ngarkuar për ta dhe që kanë qenë në gatishmëri gjithë kohën . Në fjalën e saj gjatë mbledhjes së kabinetit qeveritar, Xhaçka theksoi më tej se Shqipëria ka qenë me fat pasi nuk ka pasur viktima.

Më tej ajo shtoi se edhe dëmet kanë qenë mjaft modeste në krahasim me ato që mund të kishin ndodhur.

Ministrja Xhaçka u shpreh se nuk duhet bërë thirrje për panik dhe se duhet ruajtur qetësia në këto lloj rastesh.  Xhaçka renditi edhe njëherë dëmet e shkaktuara dhe personat që kanë mbetur të lëdnuar, të cilët janë 105.

Askush nuk mund të parashikojë datën, orën e një termeti. Detyra jonë është të bëjmë atë që kemi në dorë. Ky ishte vetëm fillimi, puna e vërtetë fillon tani,“- tha Xhaçka.

Pjesë nga fjala e ministres Olta Xhaçka

Kemi pasur një ditë të ngarkuar. Bluzat e bardha kanë qënë të angazhuara. Ka qënë një ditë me shumë frikë dhe ankth, edhe për mua dhe kolegët. Tani kemi një pasqyrë më të qartë e pranoj se ndjej një lehtësim të madh. Dëmet materiale janë më modeste nga sa mendohej. Tërmeti ishte i fuqishëm, duke parë përmasat që vërtetë kemi qënë me shumë fat që dëmet janë shumë të kufizuara. Nëse tërmeti i orës 4 ishte kryesor, goditjet pasuese janë në rënie. Ka pasur rreth 105 qytetarë të lënduar dhe rezulton që vijnë nga frika e nxitimi për të lënë banesat. E kuptoj panikun shumë mirë. Gjeja e fundit që kemi nevojë është paniku. Ju bëj thirrje mos të veprojnë më me panik. E keqja është kaluar. Siç e kanë ndjekur qytetarët, dëme ka pasur. Më konkretisht nga informacionet zyrtare në Tiranë rezulton se kemi një total 293 banesa të dëmtuara, 20 pallate me plasaritje. Në Durrës 185 banesa me dëmtime, 5 pallate me krisje. Për Elbasanin 24 banesa, një urë dhe 3 pallate. Në Berat kemi vetm një banesë të dëmtuar. Në Fier kemi 4 banesa të dëmtuara. Puset atje janë të padëmtuara, është evituar katastrofa. Në Lezhë kemi 38 banesa të dëmtuara, dhe në Vlorë vetëm një.

Në qarqet e tjera nuk ka raportime. Kjo është një pasqyrë paraprake e dëmeve. Kemi bërë thirrje që të raportohet për situata problematika. Mendoj që është e rëndësishme që në ditët në vijim të inspektohet çdo rast. Çdo qytetar që ndjehet i pasigurt të shfrytëzojë për stresim qendrat e emergjencave. Askush nuk mund të parashikojë datën, orën e një termeti. Detyra jonë është të bëjmë atë që kemi në dorë. Ky ishte vetëm fillimi, puna e vërtetë fillon tani. FA janë përfshirë që në momentin e parë. Do të jemi 24 orë të angazhuar për të punuar pa orar për ta tejkaluar situatën.

(K.M/F.M/DOSJA.AL)

Shto Koment