Aktualitet

‘Tërmeti apokaliptik’, Presidenca: Korça mjafton që të kërkonim informacion, ja ku u bazua Meta për letrën

Presidenti Ilir Meta ngulmon që qeveria ta trajtojë me përparësi kërkesën e tij për informacion për tërmetet.

TIRANË- Këshilltari për Çështjet e Sigurisë, Bahri Shaqiri ka dalë në një konferencë për mediat, ku ka folur sërish për ‘tërmetin apokaliptik’ që do të prekte Ballkanin, ku e rrezikuar ishte edhe Shqipëria. Deklarata vjen një ditë pas alarmit që presidenti Ilir Meta ngriti dje se Shqipëria rrezikohej nga tërmetet. Shaqiri tha se presidenti kishte të drejtën e tij ligjore që të kërkonte informacion, dhe shkak për këtë është edhe tërmeti i 2 muajve më parë në Korçë, që sipas presidencës tregoi dështimin e qeverisë. Gjithashtu, këshilltari i presidentit bëri me dije se Meta u bazua në një sërë mediash kombëtare dhe ndërkombëtare të cilat raportuan për tërmetin që rrezikonte Ballkanin.

Pjesë nga fjala e Bahri Shaqirit:

Presidenti i dërgoi letër Ramës, Braçes dhe Xhaçkës për masat e marra për parandalimin e fatkeqësive natyrore. Duke parë mungesën e përgjigjies për takim fizik, qëllimi ishte minizimi i dëmeve tek qytetarët. Duke patur parasysh se presidenti kërkon informacion në bazë të ligjin, që Kuvendi informon presidentin, presidenti zgjodhi rrugën zyrtare. Greqia nuk është në Zelandë, por fqinj me Shqipërinë. Presidenti ka kërkuar informacion që të trajtojnë me seriozitet informacionet në Greqi. Kronikat në media të ndryshme për të dezinformuar, dëshmojnë mungesën e përgjegjësisë për shtetin. I kujtojmë ministrave dhe kryeministrit se duhet të përgjigjen me seriozitet ndaj presidentit. Askush s’do e pengojë atë të kryejë detyrën. ne do të vendosim një dispozicion një listë me mediat kombëtare dhe ndërkombëtare, për mediat që kanë ngritur këtë shqetësim.

Për më shumë bëhu pjesë e grupit më viral në Facebook, Dosja.al

Dje, presidenti Ilir Meta, ka shprehur shqetësimin e tij lidhur me parashikimin e sizmiologut grek se Shqipëria do të lëkundet nga tërmeti. Kreu i shtetit i ka dërguar një letër kryeministrit Edi Rama, ministrit të Brendshëm Sandër Lleshajt dhe ministres së Mbrojtjes Olta Xhaçka ku edhe kërkon llogari qeverisë për masat e marra. Letra e presidentit u injorua dhe Rama tha sot me ironi, se Meta ka fuqi ta anulojë tërmetin përmes një dekreti.

(F.g/dosja.al)

Shto Koment