Aktualitet

Tërhiqte qenin zvarrë me makinë, shoqërohet në Komisariatin e Durrësit 67-vjeçari: E gjeta të ngordhur, po e çoja tek koshi i mbeturinave

Policia ka nisur hetimin për 67-vjeçarin me iniciale H. H., për veprën penale “Keqtrajtimi i kafshëve”. Ky i fundit ka deklaruar se kishte gjetur qenin e ngordhur pranë shtëpisë së tij dhe e kishte lidhur për ta dërguar pranë koshit të mbeturinave.
Featured image of article: Tërhiqte qenin zvarrë me makinë, shoqërohet në Komisariatin e Durrësit 67-vjeçari: E gjeta të ngordhur, po e çoja tek koshi i mbeturinave Pamje nga ngjarja

DURRËS– Policia e Durrësit ka shoqëruar një 67-vjeçar në Komisariat pasi është fotografuar se me makinën e tij tërhiqte një qen të ngordhur. Policia ka nisur hetimin për 67-vjeçarin me iniciale H. H., për veprën penale “Keqtrajtimi i kafshëve”. Ky i fundit ka deklaruar se kishte gjetur qenin e ngordhur pranë shtëpisë së tij dhe e kishte lidhur për ta dërguar pranë koshit të mbeturinave. Versioni i tij është mbeshtetur edhe nga banorë të tjerë.

Njoftimi i policisë:

Duke marrë shkas nga një foto e publikuar në rrjetet sociale, ku paraqitej një kafshë (qen), duke u tërhequr pas një makine, në Durrës, ju sqarojmë se: Shërbimet e Komisariatit të Policisë Durrës, menjëherë identifikuan dhe shoqëruan në ambientet e Policisë, bashkë me mjetin e tij tip “Benz”, shtetasin H. H., 67 vjeç, banues në Durrës, i cili deklaroi se e kishte konstatuar kafshën (qenin), të ngordhur, në rrugë, në afërsi të banesës ku jeton, (bazuar kjo dhe nga dëshmitë e personave të tjerë, banues në atë lagje), dhe e kishte marrë për ta spostuar pranë koshit të mbeturinave.

Në vijim të veprimeve seksioni për Hetimin e Krimit në Komisariatin e Policisë Durrës, procedoi penalisht shtetasin H. H., për veprën penale “Keqtrajtimi i kafshëve”.

Për më shumë bëhu pjesë e grupit më viral në Facebook, Dosja.al

Materialet i kaluan Prokurorisë së Rrethit Gjyqësor Durrës, për veprime të mëtejshme.

Policia e Durrësit fton qytetarët të denoncojnë në numrin 112 dhe Komisariatin Dixhital çdo rast të paligjshmërisë në tërësi, duke ju garantuar anonimatin dhe reagim të shpejtë e të paanshëm.

(k.m./dosja.al)

Shto Koment