Aktualitet

Tentuan të kalonin katër marokenë drejt Malit të zi, dy persona vihen në pranga në Shkodër (Emrat)

Burime zyrtare bëjnë me dije se në pranga kanë rënë Gentian Ndrecaj dhe Vera Ymeraj. Të dy u kapën në aksin rrugor Shkodër-Koplik, në fshatin Golem.
Featured image of article: Tentuan të kalonin katër marokenë drejt Malit të zi, dy persona vihen në pranga në Shkodër (Emrat)

SHKODËR– Dy persona kanë rënë në pranga pasi janë kapur teksa tentonin të kalonin jashtë kufijve në mënyrë të paligjshme katër persona që vinin nga Lindja e Mesme.

Burime zyrtare bëjnë me dije se në pranga kanë rënë Gentian Ndrecaj dhe Vera Ymeraj. Të dy u kapën në aksin rrugor Shkodër-Koplik, në fshatin Golem.

Policia i ndaloi në momentin që Ymeraj po drjetonte automjetin, brena të cilit ndodheshin katër shtetas marokenë.

Dy të arrestuarit do t’i nxirrnin nga Mali i Zi katër të huajit dhe në përfundim do t’i dërgonin në vendet e BE-së.

Në rastin konkret, emigrantët donin të shkonin në Itali.

Njoftimi i policisë Shkodër

Finalizohet një tjetër operacion për parandalimin dhe goditjen e veprimtarisë kriminale të dhënies ndihmë për kalim të paligjshëm të kufirit, kundrejt fitimit.

Operacioni policor “Golemi”, zhvilluar nga strukturat e Drejtorisë Vendore të Policisë Shkodër.

Në pranga dy shtetas, të cilët transportonin 4 shtetas nga vendet e Lindjes së Mesme.

Në kuadër të masave të marra për parandalimin e kontrabandimit të klandestinëve nga vendet e Lindjes së Mesme, të cilët hyjnë ilegalisht nëpërmjet kufirit të gjelbër nga Greqia për në Shqipëri me destinacion vendet e BE-së, Strukturat e Drejtorisë Vendore të Policisë Shkodër, në bazë të informaconeve të marra në rrugë operative dhe pas një pune të mirorganizuar, finalizuan operacionin policor të koduar “Golemi”.
Si rezultat i operacionit, u bë arrestimi në flagrancë i shtetasve:
• G. N., 41 vjeç, banues në fshatin Boriç i Madh, Malësi e Madhe.
• V. Y., 53 vjeçe, banuese në Shkodër.

Në aksin rrugor Shkodër-Koplik, në fshatin Golem, këta shtetas u kapën në flagrancë, nga shërbimet e Policisë, duke transportuar me automjetin që drejtohej nga shtetasja V. Y., 4 shtetas me shtetësi dhe kombësi marokene, të cilët kishin destinacion Malin e Zi, e më pas vendet e BE-së (Italinë).

Nga veprimet e para hetimore rezulton se këta shtetas, në bashkëpunim me njëri-tjetrin siguronin shtetas të vendeve të treta, i strehonin në banesa të ndryshme e më pas i transportonin për në Mal të Zi, kundrejt pagesës.

Materialet i kaluan Prokurorisë pranë Gjykatës së Shkallës së Parë Shkodër, për veprën penale ‘’Dhënie ndihme për kalim të paligjshëm të kufirit’’ në bashkëpunim.

(f.m/dosja.al0

Shto Koment