Aktualitet

Tentoi të korruptojë policin, arrestohet 52-vjeçari në Tiranë

VIDEO
Policia bën të ditur se ai po drejtonte mjetin në në gjendje të dehur.

TIRANË- Policia e Rrugore e Tiranës ka arrestuar ditën e sotme një 52-vjeçar. Sipas policisë në pranga ka rënë shtetasi me inisciale A. H, pasi  ka tentuar të korruptojë policët, duke u ofruar një shumë parash prej 5000 leke të reja. Policia bën të ditur se ai po drejtonte mjetin në në gjendje të dehur.

Njoftimi i Policisë

Nga kontrollet policore me karakter parandalues të dedikuara, kryesisht për shpejtësinë mbi normat e lejuara, drejtimin e mjeteve nën efektin e alkoolit apo shkelje të tjera që janë burim për aksidente rrugore, në oret e para të datës, 05.09.2020, në rrugën “Siri Kodra”, u arrestua në kushtet e flagrancës shtetasi me iniciale A. H, 52 vjeç.

Arrestimi i këtij shtetasi u bë, pasi gjatë kontrollit policor nga rrugoret e kryeqytetit, u verifikua se drejtonte automjetin nën efektin e alkoolit, në masën testi i parë 0.31 mg/l, testi i dytë 0.39 mg/l.

Për më shumë bëhu pjesë e grupit më viral në Facebook, Dosja.al

Gjatë kryerjes së veprimeve administrative për shkeljen e verifikuar, ky shtetas u ka ofruar agjentëve verifikues një kartmonedhë me prerje 5000 leke të reja, me qëllim shmangien e penalitetit për shkeljen e konsumuar, në këto kushte, nga efektivët e policisë rrugore të kryeqytetit është bërë kapja në flagrancë për veprën penale të “Korrupsionit aktiv ndaj personave që ushtrojnë funksione publike”.

Policia Rrugore apelon për drejtuesit e mjeteve dhe këmbësorët që të respektojnë rregullat e qarkullimit rrugor dhe fton qytetarët që të denoncojnë në 112 e Komsiariatin Dixhital cdo shkelje të Kodit Rrugor.

(A.K.dosja.al)

Etiketa:

Shto Koment