Bota

Tensionet në Mesdhe/ Makron mesazh në gjuhën turke: Të rihapim një dialog të përgjegjshëm

Në postimin e tij Macron shkruan se i ka dërguar mesazh Turqisë që të rihapin një dialog me qëllim të mirë.
Featured image of article: Tensionet në Mesdhe/ Makron mesazh në gjuhën turke: Të rihapim një dialog të përgjegjshëm Presidenti francez Emmanuel Macron dhe Presidenti turk, Erdogan.

FRANCË- Presidenti i Francës, Emmanuel Macron për herë të parë nga llogaria e tij në Tëitter ka bërë një postim në gjuhën turke ku tregon se i ka dërguar një mesazh të qartë Turqisë që ka të bëjë me tensionet që janë krijuar prej disa muajsh në Mesdheun Lindor. Në postimin e tij Macron shkruan se i ka dërguar mesazh Turqisë që të rihapin një dialog me qëllim të mirë.

“Në Ajaccio i dërguam Turqisë një mesazh të qartë; të rihapim një dialog të përgjegjshëm me qëllim të mirë dhe jo naiv. Kjo thirrje tani është gjithashtu edhe një thirrje e Parlamentit Evropian. Me sa duket edhe është përcjellë. Le të përparojmë”, shkroi Macron.

Më 24-25 shtator në Bruksel do të mbahet Samiti i liderëve të Bashkimit Evropian (BE) ku Mesdheu Lindor do të jetë në mesin e pikave të rendit të ditës. Javën e kaluar në Ajaccio të Korsikës u mbajt Samiti i vendeve të Evropës Jugore, anëtare të BE-së.

(a.k.dosja.al)

Shto Koment