Bota

Tensionet e shtuara në Mesdhe/ Angela Merkel: Në marrëdhëniet me Turqinë nuk kemi arritur rezultatet e dëshiruara

Merkel ka thënë se nuk është arritur përparimi i dëshiruar në marrëdhëniet midis Bashkimit Evropian (BE) dhe Turqisë.
Featured image of article: Tensionet e shtuara në Mesdhe/ Angela Merkel: Në marrëdhëniet me Turqinë nuk kemi arritur rezultatet e dëshiruara Angela Merkel

GJERMANI-Kancelarja Angela Merkel, ka folur ditën e sotme për marrdhënien e tensionuar midis Bashkimit Evropian dhe Turqisë. Sipas mediave të huaja, Merkel ka thënë se nuk është arritur përparimi i dëshiruar në marrëdhëniet midis Bashkimit Evropian (BE) dhe Turqisë

“Në marrëdhëniet me Turqinë fatkeqësisht nuk kemi arritur përparim ashtu siç dëshiruam,”-ka thënë ajo.

Gjithashtu, Merkel ka nënvizuar se në samitin e dhjetorit në mesin e temave të agjendës është edhe Turqia, duke shtuar se po presin se si do të përfundojë debati rreth kësaj çështjeje.

Sakaq, kjo deklaratë ka ardhur disa orë pas asaj të zëdhënësit të Komitetit të Punëve të Jashtme Peter Stano, i cili duke iu referuar takimit të dhjetorit, ka thënë se gjithçka është gati për diskutim në lidhje me Turqinë.

Për më shumë bëhu pjesë e grupit më viral në Facebook, Dosja.al

Ne kemi filluar të punojmë në përgatitjen e nevojshme dhe gjithashtu për Konferencën e Mesdheut Lindor, por ne vazhdojmë të monitorojmë situatën, veprimet e Turqisë Këshilli Evropian do të rivlerësojë udhëzimet në lidhje me marrëdhëniet tona me Turqinë. Gjithçka është në tryezë”, tha Peter Stano.

Turqia prej disa muajsh është në tension me Greqinë, për çështjen e kërkimeve për naftë në detin Mesdhe. Turqia ka filluar kërkimet dhe kjo është konsideruar si provokim nga Greqia, e cila i ka bërë thirrje për të ndaluar. Në krah Greqisë i ka dalë Franca dhe Bashkimi Evropian. BE-ja i ka bërë thirrje Turqisë të ndaloj provokimeve ose ka paralajmëruar sanksione. Gjithashtu çështja e saj do të diskutohen në samitin e Këshillit Evropian në datën 10 dhjetor.

(k.a/dosja.al)

Shto Koment