Aktualitet

Tenderi i ushqimeve, PD reagon sërish: Qeveria e Ramës vjedh dhe në ditën më të keq të shqiptarëve, Prokuroria të mos bëhet vegël

Sipas PD, ky tender duhet të hetohet nga SPAK, pasi Edi Rama dhe Olta Xhaçka po heshtin akoma.
Featured image of article: Tenderi i ushqimeve, PD reagon sërish: Qeveria e Ramës vjedh dhe në ditën më të keq të shqiptarëve, Prokuroria të mos bëhet vegël Selia e Partisë Demokratike

TIRANË- Partia Demokratike ka reaguar sërish sot në lidhje me tenderin 1.5 milionë Euro që është bërë nga Ministria e Mbrojtjes. Sipas PD, ky tender duhet të hetohet nga SPAK, pasi Edi Rama dhe Olta Xhaçka po heshtin akoma.

Në një reagim partia opozitare shkruan se kompania e përzgjedhur nga Olta Xhaçka është kompani kompjuterash dheë se tenderi u zhvillua pa garë, pa transparencë, me vetëm një ofertë.

“Edi Rama dhe Olta Xhaçka heshtin për vjedhjen me tenderin e ushqimeve. Heshtja nuk mbulon dot të vertetën e hidhur: Qeveria e Edi Ramës vjedh edhe në ditën më të keqe për shqiptarët. Faktet janë kokëforta:  1. Kompania shtoi tregtimin e ushqimeve si aktivitet të saj 6 ditë para hapjes se tenderit. 2. Ministria e Mbrojtjes përzgjodhi si fituese kompaninë pa asnjë aktivitet tregtar. 3. Kompania e përzgjedhur nga Olta Xhaçka është kompani kompjuterash.

Për më shumë bëhu pjesë e grupit më viral në Facebook, Dosja.al

4-Tenderi u zhvillua pa garë, pa transparencë, me vetëm një ofertë. 5. Tenderi u zhvillua me 3 javë vonesë, pas shpërthimit të krizës, në mënyrë që kompania e paracaktuar nga Edi Rama dhe Olta Xhacka të rregullonte letrat. Prokuroria të mos bëhet vegël e qeverisë. Ky rast i vjedhjes flagrante duhet të hetohet menjëherë nga SPAK”, shkruan PD.

Mbrëmë, PD bëri me dije se ka kallëzuar në SPAK, (prokuroria e Posaçme Anti-Korrupsion, ministren e Mbrojtjes, Olta Xhaçka. Sipas PD, MM i ka dhënë një tender në kundërshtim me procedurat kompanisë “Eurovia”. Tenderi që lidhet me ushqimet i është dhënë kësaj kompanie, e cila deri para disa ditësh kishte si objekt aktiviteti vetëm tregtinë e kompjuterave dhe aksesorëve elektronikë. Për çudi, një javë më parë, kompania ka shtuar edhe fushën e tregtimit të pijeve dhe ushqimeve, dhe më pas, ka fituar pa garë këtë tender, me vlerë 1.5 milionë euro. Një tjetër pikëpyetje për këtë tender është edhe fakti se në specifikat e tij, duhet që kompania fituese të kishte tre vite që merrej me tregtimin e ushqimeve, gjë që Eurovia nuk e ka. Asnjë reagim nga MM për çështjen, për të sqaruar opinionin publik se si janë verifikuar të dhënat e kompanisë Eurovia, dhe a ka infrastrukturë kjo kompani kompjuterash për tregtim ushqimi.

(A.B. Dosja.al)

Shto Koment