Politike

“2 marsi kapriço e Metës’/ Tedi Blushi i përvishet Ballës: Fakte të reja do dalin Tao, ke harruar që e ka festuar tre herë çeljen e negociatave

Tedi Blushi i përvishet Ballës. Zëdhënësi i Metës shprehet se fakte të reja do dalin për Gjykatën Kushtetuese dhe se Balla ka kohë deri m¡ 2 mars që të marrë kthesën e radhës.
Featured image of article: “2 marsi kapriço e Metës’/ Tedi Blushi i përvishet Ballës: Fakte të reja do dalin Tao, ke harruar që e ka festuar tre herë çeljen e negociatave Ilir Meta dhe Tedi Blushi

Tiranë- Zëdhënësi i Ilir Metës, Tedi Blushi ka reaguar ndaj Taulant Ballës, pasi ky i fundit u shpreh se tubimi i 2 marsit është një kapriço e Presidentit. Nëpërmjet një postimi në Facebook, Blushi është shprehur se shumë shpret do të dalin fakte të reja për Gjykatën Kushetuese dhe Taulant Balla ka kohë deri më 2 mars që të marrë kthesën e rradhës.

“Duan të sabotojne ndihmat (borxhet) thotë Tao. Vetëm një PPP e tyre shkon 1 miliardë euro. Edhe 20 miliardë euro borxhe të japë bota, duke rrëmbyer Gjykatën Kushtetuese në mënyrë mafioze nga kjo bandë, asgjë nuk do shkojë në xhepat e shqiptarëve, por në xhepat e tyre dhe të disa kreditorëve. Ah po, shqiptarët do fitojnë si gjithmonë shumëfishimin e taksave. Fakte të reja do dalin Tao, dhe ti ke kohë deri në 2 mars të marrësh kthesën e radhës, siç e merr gjithmonë.”, shprehet ai. 

Reagimi i Tedi Blushit: 

Lum Shqipëria për Tao Taon se ky vetëm për hapjen e negociatave punon.
Ka harruar që e ka festuar tre herë çeljen e negociatave deri tani.
Ka harruar që ngritja e Gjykatës Kushtetuese është kyç për çeljen e tyre.
Po ligjin anti-kushtetues Dvorani pse e miratuat pa pritur Venecian? S’ka nevojë, thotë Tao Tao, sepse pamë disa sugjerime që Venecia u ka dhënë disa vendeve të tjera që kanë Kushtetutë tjetër nga e jona, dhe s’mund të ndalonim ta bënim fakt të kryer ligjin mafioz të rrëmbimit të Gjykatës Kushtetuese.
Po me ish-ambasadorin e nderuar Cutillo që ju lutët të dilte në TV e të vinte në diskutim dekretin e Presidentit si do ia bëni? Apo s’ka problem se ai iku e s’merr vesh që ju e pretë në besë. Po me ambasadën e SHBA si do ia bëni, se edhe ajo bëri goxha deklaratë për të thirrur Venecian? Se ju si proamerikanë të paparë s’lëvizni asnjë presje pa u konsultuar me ta?
Duan të sabotojne ndihmat (borxhet) thotë Tao. Vetëm një PPP e tyre shkon 1 miliardë euro. Edhe 20 miliardë euro borxhe të japë bota, duke rrëmbyer Gjykatën Kushtetuese në mënyrë mafioze nga kjo bandë, asgjë nuk do shkojë në xhepat e shqiptarëve, por në xhepat e tyre dhe të disa kreditorëve. Ah po, shqiptarët do fitojnë si gjithmonë shumëfishimin e taksave. Fakte të reja do dalin Tao, dhe ti ke kohë deri në 2 mars të marrësh kthesën e radhës, siç e merr gjithmonë. 

Për më shumë bëhu pjesë e grupit më viral në Facebook, Dosja.al

Ditën e sotme Kreu i Grupit Parlamentar të Partisë Socialiste, Taulant Balla deklaroi se  se  tubimi i thirrur nga Ilir Meta më 2 mars, është kapriço personale e presidentit. Balla theksoi se tashmë të gjithë e dinë që Meta e ka shndërruar Presidencën në një prej selive opozitare.

Presidenti Ilir Meta i bën thirrje herë pas here popullit që të jetë prezent në bulevard më 2 mars. Dy ditë më parë Presidenti Ilir Meta i bëri thirrje popullit që më 2 mars të dalë në bulevardin”Dëshmorët e Kombit”, përpara Kryeministrisë për të lidhur besën për të shpartalluar atë që e quan grusht shteti. Ndërsa, ditën e djeshme Presidenti Ilir Meta dhe Këshilltari i tij Ligjor, Bledar Dervishaj dolën në një deklaratë për mediat, ku publikuan dokumente të reja për emërimet e gjyqtarëve në Gjykatën Kushtetuese. Dervishaj tha se këto janë prova të reja për shkeljet e Kushtetutës dhe paralajmëroi padi në SPAK për Ministrinë e Drejtësisë. Po ashtu tha se dhe Dvorani ka bërë shkelje të tjera.

J.V/Dosja.al

Shto Koment