Kulture

“E para që u ngjit në skenë ishte pianistja Taddem”, Aleanca për Mbrojtjen e Teatrit kujton ndërtimin godinës së TK: U hap 80 vite më parë

E para artiste që është ngjitur në skenën e Teatrit Kombëtar, ishte pianistja italiane Annarosa Taddem e cila ka qenë vetëm 22-vjeçe dhe e diplomuar nga Konservatori Luigi Cherubini në Firenze.
Featured image of article: “E para që u ngjit në skenë ishte pianistja Taddem”, Aleanca për Mbrojtjen e Teatrit kujton ndërtimin godinës së TK: U hap 80 vite më parë Pianisjta duke lujatur në skenën e TK, 80 vite më parë

TIRANË- Si sot 80 vite më parë në godinën që sot është Teatri Kombëtar, është hapur për herë të parë kino-teatrit Savoia. Në një postim në Facebook, Aleanca për Mbrojtjen e Teatrtit ka kujtuar këtë ngjarje historike, ku jep të dhëna dhe për ndërtimin e godinës së Teatrit Kombëtar.

E para artiste që është ngjitur në skenën e Teatrit Kombëtar, ishte pianistja italiane Annarosa Taddem e cila ka qenë vetëm 22-vjeçe dhe e diplomuar nga Konservatori Luigi Cherubini në Firenze.

POSTIMI I PLOTË

Për më shumë bëhu pjesë e grupit më viral në Facebook, Dosja.al

80 vjet më parë, më 28 janar 1940, u hap salla e kino-teatrit Savoia, sot salla historike e Teatrit Kombëtar. Salla u ndërtua brenda një viti. Ndërtimi kishte filluar më 6 janar 1939. I gjithë kompleksi u përfundua në qershor 1942. E para artiste që u ngjit në skenën e Teatrit Kombëtar, ishte pianistja italiane Annarosa Taddei (1918-2011). Ajo atëhere ishte fare e re, vetëm 22 vjeçe dhe e porsadiplomuar nga Konservatori Luigi Cherubini në Firenze. Ajo ishte bijë e një ushtaraku dhe ndoshta i ati ka qenë një ndër spektatorët e atij koncerti.

Skena e Teatrit Kombëtar ishte skena e parë e huaj, në të cilën ajo luajti dhe, siç e tregoi koha, i dha fat. Pas Luftës, Annarosa Taddei studioi në Akademinë Kombëtare Santa Cecilia në Romë, në drejtimin e kompozitorit dhe pianistit Alfredo Casella dhe u bë pianiste e famshme, që dha koncerte dhe regjistroi disqe me disa prej orkestrave më të famshme europiane në Romë, Vienë, Firence, Torino, Gëteborg, Helsinki, Helsingbor e deri në Hong Kong, Sidni e Tokio. Pasi u tërhoq nga karriera si koncertiste, ajo u bë pedagoge e pianos në Romë dhe Peruxhia. Më 2012 u krijua shoqata kulturore Annarosa Taddei, që organizon çdo vit një konkurs ndërkombëtar të pianos dhe jep çmimin me emrin e saj. Fotoja e parë i përket koncertit në Teatrin Kombëtar, ndērsa e dyta është një portret kur ajo ishte në kulmin e karrierës.

(A.B. Dosja.al)

Shto Koment