Politike

“Teatri do shembet, kam firmosur për 4 kulla”, Rama ‘rreshtore’ këshilltarëve të Tiranës: Angazhim në komunitet

Edi Rama ka marrë pjesë në konstituimit të Këshillit të Bashksië së Tiranës. Rama tha se këshiltarët e rinj duhet të njohin terrenin. Numri një i qeverisë u shpreh se ky mandat duhet të jetë për Shqipërinë dhe jo për të majtën. Kryeministri tha se Teatri do të shembet. Rama foli dhe për kullat, ku tha se PD ka dhënë më shumë leje ndërtimi se Veliaj.
Featured image of article: “Teatri do shembet, kam firmosur për 4 kulla”, Rama ‘rreshtore’ këshilltarëve të Tiranës: Angazhim në komunitet Edi Rama gjatë mbledhjes së Këshillit Bashkiak të Tiranës

TIRANË- Kryeminsitri Edi Rama, ka dhënë mbështetjen e plotë për Erion Veliajn, teksa ka marrë pjesë në mbledhjen e parë të Këshillit të ri Bashkiak të Tiranës. Rama para betimit të Veliajt ka mbajtur një fjalë të gjatë, ku herë foli si Kryeminsitër e herë si kryetar i Bashkisë së Tiranës, bëri bilancin e katër viteve të shkuara dhe tregoi sifidat për katër vitet që do vijnë.

Numri një i qeverisë, në nisje të fjalës së tij u ka bërë të qartë këshilltarëve të ri të bashkisë, se nuk janë aty vetëm për të marrë pjesë në mbledhje, por dhe për angazhim në komunitet. Ai u tha se të gjithë duhet të njohin me pëllëmbë zonën nga janë zgjedhur.

Më tej Rama foli për oligarkët, duke i “mbrojtur” dhe sulmoi opozitën. Ai u shpreh se Veliaj ka rritur taksën ndaj oligarkëve, dhe ka dhënë më pak leje ndërtimi se Lulzim Basha. Kryeminsitri më tej foli dhe për kohën e tij në Bashki, ku tha se  ai ka firmosur lejen vetëm për 4 kulla, 2 që janë funksionale dhe 2 të tjera në ndërtim e sipër.

Një pjesë e fjalës ishte dhe për Teatrin Kombëtar, ku u shpreh i qartë se godina do shembet dhe aty do të dnërtohet një tjetër ndërtesë moderne. Rama tha se godina e Teatrit Kombëtar është një ngrehin që nuk ka asnjë vlerë.

Në fund të gjithëve u tha që mandatin ta shikojnë në shërbim të popullit dhe të jenë të përkushtuar sa më shumë, duke dëgjuar problemet e qytetarëve.

(A.B. Dosja.al)

  • 19:15

    “Kemi dy katunarë këtu”, Veliaj batuta para Këshillit bashkiak: Sjell lajme nga fshati

    Erjon Veliaj

    Gjatë ceremonisë së betimit të Erion Veliajt, si kryebashkiak I Tiranës edhe për 4 vitet e ardhshme nuk munguan as batuat.

    Toni Gogu, i cili u zgjodh kryetari i ri i këshillit bashkiak të Tiranës është nga Peza, ndërsa i pranishëm në ceremoni ishte dhe kryeministri Edi Rama.

    Në fjalën  së tij falenderuese, Veliaj i quajti të dy katunarë, nisur nga fakti që kryeministri Edi Rama jeton në periferi të Tiranës, në Surrel, ku deklaroi se Bashkia do të kthejë edhe më shumë sytë nga fshati për investime në infrastrukturë.

    Një katunar nga Peza, Toni Gogu…Kemi dy katunar këtu tani që (Rama) është tranferuar atje dhe na sjell përditë lajme nga fshati. Duhet të përmirësojmë vendimarrjen ndaj fshatit, përfaqësimin 50 me 50 të vajzave dhe grave. Kemi një përfaqësim dinjitoz nga fshati, dhe disa nisma konkrete përtej gjelave të baldushkut: Tregu publik i shumicës në Farkë!”, tha Veliaj.

  • 18:45

    “Ngrehinë pa asnjë vlerë”, Rama i prerë për Teatrin: Do shembet, PPP-ja në këtë rast ideale

    Kryeministri Edi Rama i pranishëm në mbledhjen e Këshillit bashkiak të Tiranës tha se çështja e Teatrit Kombëtar, duke theksuar edhe një herë se ndërtesa duhet shembur. Rama e konsideron një ngrehinë pa asnjë vlerë.

    Është kryekëput e pavërtetë se do t’i jepen privatit pjesë nga trualli që sot ka teatri. E dyta, pjesa nga bashkia që do t’i japë është një karakatinë parkingu. Ajo gjendet jashtë pjesës fundore të murit të teatrit.

    Ai truall do të jepet në këmbim të investimit që bashkia do t’i japë privatit për të financuar Teatrin. Bashkimi i interesave të publikut dhe privatit në këtë rast është thuajse ideal sepse jemi në kushtet e një partneriteti publik dhe privat që nuk u kushton taksapaguesve.  

    As nuk po shembim ndonjë vlerë arkitektonike dhe as nuk jemi ne që mund të akuzohemi si indiferentë të asaj pjese. Madje është merita jonë që pjesa e çmuar e asaj pjese doli në dritë që nga kompleksi i ministrive e deri tek tribuna qendrore e Gerardo Bozës.

    Edhe sikur të donim ta ruanim dhe ta restauronim ngrehinën e sotme të teatrit do të ishte investim thuajse i pamundur sepse materiali ndërtimor iu asaj ngrehine është i pa rikuperueshëm por edhe i kotë deri në absurd sepse ajo ngrehinë nuk ka asnjë vlerë por nuk ka as hapësirat e mjaftueshme.

    Tani, për ata që janë mësuar me hilet përpara rregullave dhe shohin gjithmonë hile pas çdo pune, duhet thënë se nëse ne do ta konsideronim idenë e ruajtjes jo duke e restauruar por duke shembur dhe rindërtuar pikë për pikë, por këtë herë me materiale të qëndrueshme në kohë do të kushtonte shumë më pak të sipërmarrësve privatë. Do merrte edhe konsensusin e atyre vazhdojnë të protestojnë në emër të disa vlerave imagjinare”, deklaroi Rama.

  • 18:29

    Rama flet për kullat në Tiranë: Më akuzoni kot, kam firmosur vetëm për 4

    Edi Rama ka qenë sot i pranishëm në ceremoninë e betimit të kreut të Bashkisë së Tiranës, Erion Veliaj.

    Në fjalën e tij Rama ka folur dhe për ndërtimin e kullave në Tiranë. Shefi i Qeverisë foli dhe për oligarkët duke ‘i mbrojtur’, pasi tha “se ata të shkretët nuk janë ashtu siç quhen”.

    Edi Rama, kryeministër i Shqipërisë

    Në vitin 2014 Lulzim Basha dha 680 mijë metra katrorë ndërtim, bashkia arkëtoi 11 milionë euro.. Në 2018-ën Erion Veliaj firmosi 550 mijë metra katrorë, dhe bashkia arkëtoi 52 milionë euro. . Ky krahasim flet vetë.  Duke i taksuar më shumë të pasurit janë dhënë 1 mijë kredi të buta për strehim. 830 bonuese qiraje krahasuar me 89, pra 10 herë më shumë sesa në 4-vjeçarin e tyre. 120 banesa për romët -0 në 4-vjeçarin e Bashës. Sa për Kullat ja t’i numërojmë. Janë kulla të ngritura me baltë shpifje, saqë meraku mos shpifjet kthehen në kulla nuk është e aspak e pavend. Kulla si bukë, PPP si djathë. Unë numëroj vetëm 2 kulla, Plazën dhe Kulla në ndërtim, 2 kulla e stadiumit dhe ajo te banka e Shqipërisë, 4 kulla dhe 4 miliardë llafe për kullëzimin apokaliptik të Tiranës. 880 mijë m2 në vetëm 85 leje, ndërsa Veliaj, 130 m2 më pak për 100 leje ndërtimi më shumë”, u shpreh Kryeministri.

  • 18:16

    Rama mbështet Veliajn para betimit: Mos e gjykoni opozitën nga numrat, rrisni angazhimin në komunitet

    Edi Rama ka qenë sot i pranishëm në ceremoninë e betimit të kreut të Bashkisë së Tiranës, Erion Veliaj. Në fjalën e tij, Rama u tha këshilltarëve të rinj se ata duhet ë shikojnë 30 qershorin si një votë që u dha për Shqipërinë dhe jo për të majtën.

    Edi Rama, kryeministër i Shqipërisë

    Rama më tej u drejtua këshilltarëve të rinj, duke thënë se ata duhet të respektojnë opozitën sado e vogël që është ajo në Bashki.

    Në vitin 2014 Lulzim Basha dha 680 mijë metra katrorë ndërtim, bashkia arkëtoi 11 milionë euro.. Në 2018-ën Erion Veliaj firmosi 550 mijë metra katrorë, dhe bashkia arkëtoi 52 milionë euro. . Ky krahasim flet vetë.  Duke i taksuar më shumë të pasurit janë dhënë 1 mijë kredi të buta për strehim. 830 bonuese qiraje krahasuar me 89, pra 10 herë më shumë sesa në 4-vjeçarin e tyre.

    120 banesa për romët -0 në 4-vjeçarin e Bashës. Sa për Kullat ja t’i numërojmë. Janë kulla të ngritura me baltë shpifje, saqë meraku mos shpifjet kthehen në kulla nuk është e aspak e pavend. Kulla si bukë, PPP si djathë. Unë numëroj vetëm 2 kulla, Plazën dhe Kulla në ndërtim, 2 kulla e stadiumit dhe ajo te banka e Shqipërisë, 4 kulla dhe 4 miliardë llafe për kullëzimin apokaliptik të Tiranës. 880 mijë m2 në vetëm 85 leje, ndërsa Veliaj, 130 m2 më pak për 100 leje ndërtimi më shumë”, u shpreh Kryeministri.

Shto Koment