Politike

Teatri/ Ambasadori italian flet për shembjen e godinës: Vendim i qeverisë, çështje e ndërlikuar

Ambasadori italian në Tiranë, Fabrizio Bucci është shprehur se vendimi për fatin e godinës, i përket qeverisë shqiptare.
Featured image of article: Teatri/ Ambasadori italian flet për shembjen e godinës: Vendim i qeverisë, çështje e ndërlikuar Fabrizio Bucci

GJIROKASTËR– Ambasadori italian në Tiranë, Fabrizio Bucci nga Gjirokastra ka folur për prishjen e godinës së Teatrit Kombëtar disa ditë më parë.

 Në fjalën e tij, Bucci është shprehur se vendimi për fatin e godinës, i përket qeverisë shqiptare.

Sa i përket çështjes specifike të teatrit, është një vendim që u përket autoriteteve shqiptare për t’u marrë. Një vendim klasik, që i takon qeverisë shqiptare. Është një çështje shumë e komplikuar, nuk dua të hyj në detaje është shumë e ndërlikuar. Aq më shumë që ka shkaktuar edhe përplasje politike,”-tha ai.

POSTIMI I PLOTË:

Për më shumë bëhu pjesë e grupit më viral në Facebook, Dosja.al

Është një cështje shumë delikate, që ka krijuar një valencë të politikës së brendshme shumë të fortë. Shkon përtej teatrit kombëtar, prishjes së godinës. Ne e kemi thënë gjithmonë edhe në vitet e shkuara, që vlerat, pasuria kulturore, urbanistike është e rëndësishme dhe duhet ruajtur nga një këndvështrim shumë i përgjithshëm. Sa i përket çështjes specifike të teatrit, është një vendim që u përket autoriteteve shqiptare për t’u marrë. Një vendim klasik, që i takon qeverisë shqiptare. Unë po përsëris atë që ne kemit thënë dhe demonstruar, e kemi shumë për zemër ruajtjen e pasurisë. Roli italian ka qenë shumë thelbësor në ndërtimin e Tiranës moderne. Në fushën e kulturës ne kemi qenë dhe jemi shumë aktivë. Për shembull me rastin e Konferencës së donatorëve në shkurt donatorë që kanë bërë bashkë donatorë të rëndësishëm, Italia ka qenë dhuruesi kryesor me 91 mln euro, një pjesë e tyre do të shkojnë për të rikonstruktuar pasurinë kulturore të dëmtuar nga tërmeti. Është një çështje shumë e komplikuar, nuk dua të hyj në detaje është shumë e ndërlikuar. Aq më shumë që ka shkaktuar edhe përplasje politike. Italia ka qenë gjithmonë e impenjuar në ruajtjen e pasurisë, kemi lënë dëshmi të rëndësishme në Shqipëri dhe në Tiranë dhe ku ka qenë gjithmonë objektivi ynë, të japim një kontribut. Ruajtja e pasurisë kulturore mbetet një prioritet i rëndësishëm për ne.

Teatri Kombëtar u shemb në datën 17 maj. Pas një vendimi të Këshillit Bashkiak, IMT dhe polciia nisën një aksion të shpejt dhe shkatërruan godinën. Aktivistët që ishin brenda në godinë janë nxjerr me forcë dhe shumë prej tyre u dhunuan.

Qytetarët dhe opozita kanë nisur protestat dhe deri më tani kanë organizuar dy të tilla, ndërkohë që maxhoranca shprehet e bindur që teatri i ri do jetë më i mirë se ai që ishte. Gjithashtu Aleanca ka dorëzuar edhe padi në SPAK për të vijuar hetimet, ndërsa çështja i është ngarkuar prokurorit Ervin Kondili.

(k.m./dosja.al)

Shto Koment