Bota

Të rinjtë nuk janë imun/ Adoleshenti 14-vjeçar, bëhet viktima më e re nga koronavirusi në Evropë

Vitor Godinho, një 14-vjeçar nga Portugalia ka vdekur të dielën nga koronavirusi, duke u bërë kështu edhe viktima më e re nga ky virus në Europë.
Featured image of article: Të rinjtë nuk janë imun/ Adoleshenti 14-vjeçar, bëhet viktima më e re nga koronavirusi në Evropë Vitor Godinho

PORTUGALI– Adoleshenti 14-vjeçar nga Portugalia është bërë viktima më e re në Europë nga koronavirusi.

Nga mediat e huaja mësohet se 14-vjeçari quhet Vitor Godinho, i cili ka vdekur në orët e para të së dielës në spitalin “Sao Sebastiao”.

Adoleshenti më parë vuante nga psoriaza, sëmundje kronike e lëkurës, por  përveç kësaj nuk kishte pasur probleme të tjera. Kujtojmë që pak ditë më parë humbi jetën edhe një 16-vjeçare nga Franca, Julie Alliot.

Me këto dy  raste më të fundit,  por edhe nga ekspertët vihet re që koronavirusi nuk kursen as të rinjtë. Pasi në të gjithë botën ka mijëra  të rinjë që janë prekur nga COVID-19, por ato të cilët vuajnë edhe nga sëmundje të tjera mund të rrezikohen edhe më shumë.

Për më shumë bëhu pjesë e grupit më viral në Facebook, Dosja.al

Në rang global deri më tani kanë humbur jetën mbi 33 mijë persona, ndërkohë të prekur janë më shumë se 720 mijë të tjetë. Europa tashmë është më e prekura nga COVID-19. Në Itali kanë humbur jetën deri më tani 10,777 persona. Po kështu, COVID-19 po bën “kërdinë” edhe në Spanjë, ku janë shënuar 6,803 viktima. Në këtë shtet, në 24 orët e fundit kanë humbur jetën 821 persona. Edhe Greqia është prekur nga COVID-19, ku aty kanë humbur jetën 39 persona. Në Shqipëri deri më tani janë 223 persona të infektuar dhe janë shënuar 11 viktima.

Burimi: THESUN

 A.C/Dosja.al

Shto Koment