Politike

“Është lojë me jetën”, Rama thirrje qytetarëve: Është e frikshme. Të moshuarit dhe fëmijët të mos dalin nga shtëpia

Në një reagim në Facebook, Rama shkruan se dalja nga shtëpia është një lojë me jetën.
Featured image of article: “Është lojë me jetën”, Rama thirrje qytetarëve: Është e frikshme. Të moshuarit dhe fëmijët të mos dalin nga shtëpia Të moshuarit në rrugë

TIRANË- Kryeministri Edi Rama u ka dhënë një tjetër mesazh qytetarëve, ku u bën thirrje që të mos lejojnë fëmijet dhe të moshuarit që të dalin në shtëpitë. Në një reagim në Facebook, Rama shkruan se dalja nga shtëpia është një lojë me jetën. Kreu i qeverisë shprehet se nga sot parku i liqenit dhe të gjitha hapësirat e tjera në qytete do jenë të mbyllura dhe policia nuk do lejoj askend.

🔴 KJO QË NDODH ME KËTO DY GJYSHET DHE ME ATA GJYSHËRIT ULUR ATJE MBRAPA, ËSHTË E FRIKSHME DHE KREJTËSISHT E PAJUSTIFIKUESHME PËR FAMILJARËT E TYRE! 🔴 PËR KËTO MOSHA KJO ËSHTË LOJË ME JETËN!

🔴 JU LUTEM MOS I LEJONI TË MOSHUARIT DHE FËMIJËT TË DALIN NGA SHTËPIA, JU LUTEM! STOLAT E PARQEVE DHE KËNDET E LODRAVE NË NATYRË JANË BURIM RREZIKU! PRANDAJ PARKU I LIQENIT DHE TË GJITHA HAPËSIRAT REKREATIVE NË ÇDO QYTET, DO TË JENË TË NDALUARA PËR TË GJITHË! 🔴 FRIKË ASPAK, KUJDES PO!”, është ky reagimi i Ramës.

Për më shumë bëhu pjesë e grupit më viral në Facebook, Dosja.al

Bilanci i COVID-19 në Shqipëri ka shkuar në 38 të prekur. Dy të moshuar, në Fier dhe në Lushnje, janë shtruar në terapi intensive pasi kanë pasur komplikacione me shëndetin. Disa ditë më parë një prej të prekurve, ndërroi jetë në Spitalin e Durrësit ndërsa deri më tani vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier. Mes të infektuarve është dhe një mjek, i cili i kishte shërbyer të moshuarës që ndërroi jetë në Durrës. Ndërkohë jeta në vend është paralizuar thuajse totalisht, nuk ka transport publik, po ashtu dhe shumë vende punë janë mbyllur. Shumë qytete janë në ‘shtet-rrethim’ dhe është ndaluar dhe lëvizja e makinave private. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.

(A.B. Dosja.al)

Shto Koment