Aktualitet

Të humbur prej tre orësh në Gjipe, gjenden në gjendje të mirë shëndetësore dy turistët spanjollë

Ata ishin nisur orës 18:20, në Kanionin e Gjipesë për të eksploruar territorin, por për shkak se po afronte nata kanë humbur rrugën duke mos dalë më nga kanioni.
Featured image of article: Të humbur prej tre orësh në Gjipe, gjenden në gjendje të mirë shëndetësore dy turistët spanjollë Turistet

VLORË– Dy turistë spanjollë janë gjetur tre orë pasi kishin humbër rrugën në zonën e Gjipesë. Burime zyrtare bëjnë me dije se turistët kishin humbur prej tre orësh. 

Ata ishin nisur orës 18:20, në Kanionin e Gjipesë për të eksploruar territorin, por për shkak se po afronte nata kanë humbur rrugën duke mos dalë më nga kanioni.

Pas 3 orë kërkimesh intensive, shërbimet e policisë i kanë gjetur turistët spanjollë, në gjendje të mirë shëndetësore, në kufi me fshatin Vuno.

Policia i shoqëroi turistët drejt automjetit të tyre në rrugën nacionale Vlorë – Himarë.

Njoftimi i policisë Himarë, Vlorë

Policia e Himarës u vjen në ndihmë dy turistëve spanjollë të cilët humbën për 3 orë në Kanionin e Gjipesë.

Rreth orës 18:20, në Kanionin e Gjipesë, Himarë, një çift spanjollësh duke eksploruar territorin, për shkak se po afronte nata kanë humbur rrugën duke e bërë të pamundur daljen e tyre nga kanioni.

Forcat e Policisë së Himarës dhe ajo Kufitare, për shkak të terrenit të vështirë kanë kërkuar në rrugë tokësore me këmbë, por edhe nëpërmjet territorit ujor me mjetet lundruese me qëllim gjetjen e tyre.

Pas 3 orë kërkimesh intensive shërbimet e policisë i kanë gjetur në pjesën veriore të këtij kanioni, në kufi me fshatin Vuno.

Dy turistët 34 vjeç dhe 26 vjeçe janë në gjendje të mirë shëndetërore dhe fatmirësisht nuk kanë pësuar asnjë dëmtim.

Policia po i shoqëron turistët drejt automjetit të tyre në rrugën nacionale Vlorë – Himarë.

Policia e Shtetit gjen rastin të falënderojē shërbimet e kërkimit, si dhe ambasadën spanjolle, e cila ka asistuar në operacionin e kërkimit.

#FaleminderitPoliciaeShtetit 👏
#Bashkëmëtësigurt 💪🚔

#Denonco112📲

(f.m/dosja.al)

Shto Koment