Aktualitet

Të dënuar për vrasje dhe drogë/ OFL “zbarkon” në Dibër, u dërgon formularin 4 “të fortëve” (EMRAT)

OFL kësaj radhe ka zbarkuar në Dibër ku i ka çuar formularin 4 të dënuarve për vrasje dhe drogë. Në sitën e OFL-së janë Uran Skuka, Artan Buci, Eltion Daçi dhe Skënder Topalli.
Featured image of article: Të dënuar për vrasje dhe drogë/ OFL “zbarkon” në Dibër, u dërgon formularin 4 “të fortëve” (EMRAT) Uran Skuka dhe OFL

Tiranë- OFL, Operacioni Forca e Ligjit u ka dërguar formularët për të deklatuar pasuritë “4 të fortëve” në Dibër, Uran Skukës, Artan Bucit, Eltion Daçit dhe Skënder Topallit.

Uran Skuka është i dënuar për vrasje. Në vitin 2014 Skuka vrau kuantin e tij, në shenjë hakmarrje, pasi dyshonte se gruaja e tij i kishte vrarë nënën.  Po kështu,  Artan Buçi dhe Skënder Baci janë dënuar për vrasje. Ndërsa Elidon Daci është dënuar me 5 vite burg për trafik droge. Ata duhet të deklarojnë pasuritë e tyre brenda 48 orëve.

Njoftimi i Policisë:

OFL, 19 maj Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

– U. S., banues në Dibër, i dënuar për veprën penale “Vrasja për gjakmarrje”;

– A. B., banues në Dibër, i dënuar me vendim të Gjykatës së Rrethit Gjyqësor Dibër, me 13 vjet e 4 muaj burg, për veprën penale “Vrasja në rrethana të tjera cilësuese”;

Për më shumë bëhu pjesë e grupit më viral në Facebook, Dosja.al

– E. D., banues në Dibër, i dënuar me vendim të Gjykatës së Apelit Tiranë, me 5 vjet burg, për veprën penale “Prodhimi dhe shitja e lëndëve narkotike”;

– S. T., banues në Dibër, i dënuar me vendim të Gjykatës së Rrethit Gjyqësor Tiranë, me 25 vjet burg, për veprën penale “Vrasja me paramendim”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

J.V/Dosja.al

Shto Koment