Aktualitet

Të dënuar për drogë/ OFL zbarkon në Korçë, iu dërgon pusullën 4 të “fortëve” (EMRAT)

Mësohet se në sitën e OFL-së janë:Dorian Sako, Arten Zallemi, Zalmir Qyteti dhe Bledjon Liçe.
Featured image of article: Të dënuar për drogë/ OFL zbarkon në Korçë, iu dërgon pusullën 4 të “fortëve” (EMRAT) OFL

KORÇË- OFL, Operacioni Forca e Ligjit ka zbarkuar ditën e sotme në Korçë, ku u ka dërguar 4 “të fortëve” formularin për të deklaruar pasurinë e tyre. Mësohet se në sitën e OFL-së janë Dorian Sako, Arten Zallemi, Zalmir Qyteti dhe Bledjon Liçe. Të katër personat janë të dënuar për prodhim dhe shitje droge.

Njoftimi i Policisë:

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

D. S., banues në Korçë, i dënuar për veprën penale “Prodhimi dhe shitja e narkotikëve” e kryer në bashkëpunim;

A. Z., banues në Korçë, i dënuar për veprën penale “Prodhimi dhe shitja e narkotikëve” e kryer në bashkëpunim;

Për më shumë bëhu pjesë e grupit më viral në Facebook, Dosja.al

Z. Q., banues në Korçë, i dënuar për veprën penale “Prodhimi dhe shitja e narkotikëve” e kryer në bashkëpunim;

B. L., banues në Korçë, i dënuar për veprën penale “Prodhimi dhe shitja e narkotikëve” e kryer në bashkëpunim.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

J.V/Dosja.al 

Shto Koment