Aktualitet

Të burgosurit shqiptarë në Britani “i bëjnë zbor” Policisë, komunikojnë me FaceTime me familjarët

“The Sun” të dielën kontaktoi me disa prej tyre përmes një faqeje interneti të quajtur “The Best”. Gazetari zhvilloi një bisedë 10 minuta në Facebook me Krenar Hasanajn, i cili është i dënuar me 8 muaj burg për drogë.
Featured image of article: Të burgosurit shqiptarë në Britani “i bëjnë zbor” Policisë, komunikojnë me FaceTime me familjarët Krejnar Hasanaj nga burgu duke folur me familjarët

BRITANI- Të dënuarit shqiptarë në Britaninë e Madhe janë bërë një problem, pasi ata përdorin celularët e tyre për të komunikuar me jashtë. “The Sun” shkruan se të burgosurit shqiptarë, u kanë shpëtuar kontrolleve të vazhdueshme që bëhen në burgje.

“The Sun” të dielën kontaktoi me disa prej tyre përmes një faqeje interneti të quajtur “The Best”. Gazetari zhvilloi një bisedë 10 minuta në Facebook me Krejnar Hasanajn, i cili është i dënuar me 8 muaj burg për drogë.

Unë jam brenda. Është e rrezikshme. Ata mund të gjejnë telefonin tim. Unë e përdor atë për të biseduar me familjen dhe miqtë e ngushtë”, u shpreh Shqiptari.

Hasanaj më pas regjistroi një bisedë në FaceTime me prindërit e tij dhe e publikoi atë në Facebook, duke shkruar “prindërit më të mirë në botë”.

Të burgosur të tjerë shqiptarë mund të shihen në Facebook duke përdorur telefona nga qelitë e tyre. Shumë përdorin pseudonime për të shmangur zbulimin. Bisedat vijnë pasi 237 celularë dhe 176 ngarkues u kapën në burgun e Kategorisë C në Stradishall në vitin 2017.

(A.B. Dosja.al)

Shto Koment