Bota

Të armatosur me shtiza e shigjeta, vazhdojnë protestat e dhunshme në Hong Kong

Policia ka përdorur gazin lotsjellës dhe plumbat e gomës për të shpërdarë turmat e protestuesit të cilët hodhnin bomba benzine në drejtim të policisë. Gjithashtu përleshje ka pasur edhe në pjesë të  tjera të  Hong Kongut.
Featured image of article: Të armatosur me shtiza e shigjeta, vazhdojnë protestat e dhunshme në Hong Kong Pamje nga protestat ne Hong Kong

HONG KONG- Prej 5 muajsh vazhdojnë protestat e dhunshme antiqeverirtare në Hong Kong. Ndërkohë duket se nuk do të ketë të ndalur kjo situatë pasi edhe mbrëmjen e djeshme mediat  e  huaja kanë raportuar se ka pasur  përleshje mes protestuesve dhe policisë në ambientet e Universitetit Kinez të Hong Kongut.

Si në shumë raste të tjera policia ka përdorur gazin lotsjellës dhe plumbat e gomës për të shpërdarë turmat e protestuesit të cilët hodhnin bomba benzine në drejtim të policisë. Gjithashtu përleshje ka pasur edhe në pjesë të  tjera të  Hong Kongut.

E për këtë arsye autoritetet përkatëse kanë njoftuar se të gjitha shkollat do të pezullojnë mësimin edhe ditën e enjte për shkak të trazirave.

Kujtojmë se përshkallëzimi i dhunës në Hong Kong është rikthye pas vdekjes së një studenti 22 vjeçar, gjatë protestave në javët e mëparshme.

Protestat kanë ardhur si shkak i çështjes se Hong Kongu është pjesë e Kinës, por si ish-koloni britanike gëzon një autonomi të gjerë, dhe njerëzit kanë më shumë të drejta sesa në pjesë tjera të Kinës.

Kujtojmë këtu që protestat kanë nisur prej qershorit të këtij viti kundër planeve për të lejuar ekstradimin në territorin e Kinës.

Projekt-ligji u tërhoq në shtator, por demonstratat vazhduan dhe tani protestuesit bëjnë thirrje për më shumë demokraci, dhe një hetim mbi sjelljen e policisë.

Burimi: CNN  

A.C/Dosja.al 

Shto Koment