Aktualitet

Taulant Muka e akuzon për plagjiaturë, Argita Berisha: Artikulli nuk është i imi

Ish- zv/ministri i Arsimit, Taulant Muka ka akuzuar Argita Berishën për plagjiaturë. Për këtë ka reaguar edhe Argita Berisha e cila shprehet se artikulli në fjalë nuk është i saji.
Featured image of article: Taulant Muka e akuzon për plagjiaturë, Argita Berisha: Artikulli nuk është i imi Ish-zv/ministri Taulant Muka dhe pedagogia Argita Berisha

Ish- zv/ministri i Arsimit, Taulant Muka ka publikuar një artikull të vajzës së Sali Berishës, Argita Berishës ku thotë se është 100% plagjiaturë. Sipas Mukës materiali është tërësisht i kopjuar nga një publikim i Universitetit të Vlorës.

Menjëherë ka reaguar edhe Argita Berisha e cila shprehet se artikulli për të cilën e akuzon Muka nuk është i saj. 

“Artikulli në fjalë nuk është i imi dhe nuk ia kam idenë pse emri im figuron si autor i dytë. Mund të provohet fare lehtë nga dosja që ndodhet në Ministrinë e Arsimit se ky artikull nuk figuron në listen e artikujve apo prezantimeve në konferenca që unë kam dorëzuar për marrjen e titujve shkencorë dhe as që gjendet në ndonjë nga CV-të që unë kam përdorur ndonjëherë.

Në botimet e mia të dorëzuara për marrjen e titujve, përveç artikujve të botuara në revista vendase dhe ndërkombëtare janë edhe disa libra, të cilat janë pjesë e fondit të bliblotekave vendase dhe të huaja, përfshirë Library of Congress.

Nëse z.Muka do të kishte integritet kërkimor, vulën e të cilit pretendon se mban në Shqipëri, do të kishte marrë mundimin të kontaktonte me autorët të cilëve u përmend emrin për të pyetur nëse kanë shkruar një shkrim të tillë. Por mesa duket shërbimet që Muka kryen për llogari të të tjerëve janë më afër mendjes së tij sesë kërkimi shkencor pranë zemrës.”, shprehet Argita Berisha, shkruan “Syri.net”. 

Denoncimi i Mukës:

Artikulli i Argita Berisha Malltezi: Women in leadership and gender equity in albania – the case of vlora region publikuar ne International Journal of Management cases ne vitin 2011 (http://www.ijmc.org/ijmc/Vol_12.4_files/IJMC_12-4.pdf)

Për më shumë bëhu pjesë e grupit më viral në Facebook, Dosja.al

Artikulli I Etelva Leskaj: Woman Role and Gender Equity in Albania publikuar ne International Conference on Economic and Management Perspectives ne vitin 2008.(http://www.econ-society.org/conferences/management_2008.pdf)

J.V/Dosja.al

 

 

Shto Koment