Politike

Taksë për ndihmat në Rrugën e Kombit, Rama ‘shfryn’ kundër kritikëve: Gënjeshtër e madhe! Është hequr

Në një reagim në Facebook, Rama shkruan se të gjithë që e akuzojnë po shfryjnë mllef e helm, por sipas tij e gjitha është një gënjeshtër. Numri një i qeverisë shton se nuk ka taksë për ata që sjellin ndihma në Shqipëri, pasi vendimi të kompanisë koncensionare.
Featured image of article: Taksë për ndihmat në Rrugën e Kombit, Rama ‘shfryn’ kundër kritikëve: Gënjeshtër e madhe! Është hequr Dëmet e tërmetit, Edi Rama dhe Rruga e Kombit

TIRANË- Kryeministri Edi Rama iu është përgjigjur të gjitha akuzave që janë bërë sot për tarifën në Rrugën e Kombit, që sipas denocnimeve ka vijuar të jetë funksionale dhe sot kur shumë makina me ndihma janë nisur nga Kosova drejt Shqipërisë.

Në një reagim në Facebook, Rama shkruan se të gjithë që e akuzojnë po shfryjnë mllef e helm, por sipas tij e gjitha është një gënjeshtër. Numri një i qeverisë shton se nuk ka taksë për ata që sjellin ndihma në Shqipëri, pasi vendimi të kompanisë koncensionare.

Tarifa e shërbimit (jo taksa, po tarifa e shërbimit për Rrugën e Kombit), nuk është një tra i vendosur për të penguar shqiptarët të vijnë nga Kosova a të shkojnë në Kosovë, siç predikojnë ata që s’e kanë mësuar akoma atë shprehjen kuptimplotë, që në paqe forma më e lartë e patriotizmit është të paguash taksat!”, shkruan kreu i qeverisë.

POSTIM I PLOTË

Të gjithë atyre që shfryjnë mllef e helm për “taksën” e Rrugës së Kombit, fjalët më poshtë po u përcjell:

E para, është një gënjeshtër me bisht që u kërkohet “taksë” kalimi automjeteve që sjellin ndihma në Shqipëri! Zero! Kompania që investon në Rrugën e Kombit dhe garanton mirëmbajtjen e saj, e ka marrë përsipër mbulimin e shpenzimeve të kësaj “takse” për çdo automjet ndihmash. Ky është fakti dhe gënjeshtra që ka marrë dhenë në rrjetet sociale është vetëm një gënjeshtër. Të cilën e përsërisin dhe e përhapin jo ata që sjellin ndihma, po ata që e kanë me të dëgjuar! Popujt thonë kur gënjeshtra ka bërë xhiron e botës, e vërteta ende s’ka veshur dot pantallonat

Tarifa e shërbimit (jo taksa, po tarifa e shërbimit për Rrugën e Kombit), nuk është një tra i vendosur për të penguar shqiptarët të vijnë nga Kosova a të shkojnë në Kosovë, siç predikojnë ata që s’e kanë mësuar akoma atë shprehjen kuptimplotë, që në paqe forma më e lartë e patriotizmit është të paguash taksat! Jo, ajo tarifë është një kontribut i çdo përdoruesi të rrugës, për ta pasur rrugën që përdor sa më optimale dhe sot, nuk del dot dikush që i ka sytë në vend që të thotë se Rruga e Kombit, nuk është shumë më e sigurtë e më e mirëmbajtur, se sa përpara vendosjes së tarifës.

Dhe e fundit, unë nuk isha hero kur e mbrojta pavarësinë e Kosovës në mes të Beogradit dhe ju më bëtë hero! As nuk jam tradhëtar sot, kur mbroj dhe do ta mbroj deri në fund, idenë e Shengenit Rajonal!

Jo, unë jam po ai, që as nuk fluturoj kur më bëjnë hero, as nuk ndalem kur më bëjnë tradhëtar, e i dal për zot fiks po njësoj, bindjeve e ideve të mia. Sepse nuk e kam marrë këtë detyrë për t’iu pëlqyer të gjithëve çdo ditë, po për t’u kujtuar me respekt nesër edhe nga ata që s’do më duan kurrë, kur ditët e mia në detyrë të kenë mbaruar; si një shqiptar kokëfortë që i shërbej me zemër vendit tim, që e mbroj të vërtetën time megjithë zemër dhe që di ta bëj këtë detyrë më mirë se të tjerët – deri kur të dalë natyrisht ndonjë tjetër, që s’e njohim akoma.

Kaq për këtë temë, se më duhet të zbres tani nga makina, për t’u kujdesur për sistemimin në hotel të disa familjeve të tjera fatkeqe. Përqafime të gjithëve, edhe atyre që do vazhdojnë të më shajnë, sepse e di që kujtojnë vërtetë se kanë të drejtë, siç e di që do më japin të drejtë një ditë, kur koha të tregojë ashiqare se janë krejt gabim😊

36 viktima, 658 të lënduar, 47 të shpëtuar, ky është bilanci i tërmetit të djeshëm, që e ka futur vendi në zi kombëtare dhe ka detyruar autoritetet të shpallin gjendjen e jashtëzakonshme. Ende vijojnë kërkimet në Thumanë dhe Durrës pas tërmetit, pasi mbi 25 persona janë ende të humbur nën rrënoja, dhe nuk dihet asgjë për fatin e tyre. 62 persona po marrin mjekim në spitalin e Traumës.

(A.B. Dosja.al)

2 Komente në “Taksë për ndihmat në Rrugën e Kombit, Rama ‘shfryn’ kundër kritikëve: Gënjeshtër e madhe! Është hequr

  1. Jame aleksander haxhiu jame 13 vjec shpresoj qe njerëzit te dalin te gjale nga ato rronoja dhe qe mose ti humbisni shpresat per nje shtepi te re dhe te forte Ällahu pofte me ju mose harroni qe ai eshte 1 ai ju mbrone dhe ju do shuuuuuume👏👏👏👏👏👏😭😭😭😭😭😭😭😭

  2. Jame aleksander haxhiu jame 13 vjec shpresoj qe njerëzit te dalin te gjale nga ato rronoja Ällahu qofte me ju mose harroni qe ai eshte1 ai ju mbrone dhe ju do shuuuuuume👏👏👏👏👏👏😭😭😭😭😭😭😭😭

Shto Koment