Rajoni

Taksa ndaj Serbisë, Haradinaj apel Amerikës: Nuk hiqet deri në njohje të Kosovës (Video)

Kryeministri i Kosovës Ramush Haradinaj tha më tej se presidenti Hashim Thaçi i ka bërë dëme Kosovës pas deklaratave të tij lidhur me çështjen e dialogut dhe të korigjimet e kufijve.
Featured image of article: Taksa ndaj Serbisë, Haradinaj apel Amerikës: Nuk hiqet deri në njohje të Kosovës (Video) Kryeministri i Kosovës Ramush Haradinaj në deklaratë për mediat

Kryeministri i Kosovës, Ramush Haradinaj ka dhënë një deklaratë për mediat lidhur me taksën e vendosur ndaj importeve serbe dhe të Bosnjë Hercegovinës. Haradinaj këmbënguli para gazetarëve se taksa nuk hiqet deri në njohjen e Kosovës si shtet dhe për këët gjë kryeministri i Kosovës i bëri apel Amerikës.

“E para, Amerika operon globalisht për siguri dhe është garant i sigurisë dhe paqes në krejt globin, edhe ku është prezente edhe ku nuk është. Mendoj se vendimet që janë folur, si kërcënimet për Bondsteel, janë te hershme ose të avancuara sepse një vendim i këtillë mund të merret por jo në rrethana ose lidhur me taksën. Të gjitha argumentet pse është vendosur taksa, agresiviteti i Serbisë në planin e jashtëm, përpjekjet për destabilizim në planin e brendshëm, vonesat për njohje që i shkakton dëm Kosovës, ekzistojnë.

Taksa mbetet deri në njohje të Kosovës. Ne i bëjmë apel popullit amerikan, qeverisë dhe institucioneve të Amerikës që jo të qëndrojë KFOR-i dhe Bondsteel në Kosovë por këtu janë përjetësisht në shtëpi të vet,”- tha Haradinaj.

Për më shumë bëhu pjesë e grupit më viral në Facebook, Dosja.al

Ai theksoi më tej se deklaratat e presidentit Hashim Thaçi për çështjen e dialogut dhe korigjimin e kufijve i kanë prishur shumë punë Kosovës në njohjen e saj si shtet.


(f.m/dosja.al)

Shto Koment