Nikos Dandias
GREQI– Kreu i diplomacisë greke Nikolas Dendias është shprehur se tashmë qeveria do investojë më shumë në diplomacinë ekonomike të vendit.
Ai mbajti fjalimin në konferencën e Shoqatës të Eksportuesve, nga ku u shpreh se rritja e eksporteve mund të japë një kontribut vendimtar në zbutjen e efekteve serioze ekonomike të krizës së rëndë shëndetësore.
“Megjithatë, mjedisi ekonomik në zhvillim nuk është i lehtë,” -tha ministri i jashtëm grek.
Dendias përmendi një sërë sfidash që prekin sistemin ekonomik ndërkombëtar dhe që eksportuesit, siç janë: evolucioni i pandemisë së koronavirusit, ngadalësimi i ekonomisë botërore, transformimin dixhital më të shpejtë, çmimet ndërkombëtare të naftës dhe lëndëve të para.
Ky kuadër pritet që të rregullojë marrëdhëniet e BE-sw me Britaninë e Madhe pas Brexit, si dhe forcimin e marrëdhënieve në tregtinë ndërkombëtare.
“Në thelb të politikës sonë është njohja se bashkëpunimi tregtar nuk u shërben vetëm interesave tona financiare. “Por gjithashtu kontribuon në krijimin e një bashkësie interesash me vendet e tjera. Është një element të cilin ne e shfrytëzojmë, jo vetëm ekonomikisht, por edhe politikisht.” -theksoi ai.
Ai gjithashtu kujtoi se struktura e përgjithshme e Ministrisë së Punëve të Jashtme po riorganizohet, duke promovuar një Organizatë të re, e cila parashikon, ndër të tjera, forcimin e strukturave të diplomacisë ekonomike.
Dendias gjithashtu vuri në dukje se është futur parametri i shënjestrimit të matshëm, i cili do të kontribuojë në forcimin e eksporteve dhe investimeve.
“Qëllimi ynë është që Ministria e Punëve të Jashtme, duke shfrytëzuar në maksimum triptikun e Diplomacisë Politike, Ekonomike dhe të Komunikimit, për të përmbushur misionin e saj, përshtatur me kërkesat e kohës sonë,” -tha ai.
Po ashtu, Dendias shtoi se Ministria e Punëve të Jashtme mbështet në mënyrë aktive botën e eksportit të shtetit grek dhe pret një bashkëpunim të frytshëm me të.
(Kle.mu/Dosja.al)
