Sport

Kosova mbyll me humbje eleminatoret për Euro 2020, Anglia nuk fal në ‘Fadil Vokrri’

Kosova në këtë sfidë ishte me disa mungesa, si Arbër Zeneli, Herolind Shala, Hekuran Kryeziu dhe Vedat Muriqit, dhe e pati të pamundur  të rrezikonte “Tre Luanët”.
Featured image of article: Kosova mbyll me humbje eleminatoret për Euro 2020, Anglia nuk fal në ‘Fadil Vokrri’ Lojtarët e Anglisë duke festuar
Përditësuar:

KOSOVË- Ka përfunduar çdo gjë në “Fadil Vokrri”, Kosova i ka mbyllur me humbje eliminatoret për ‘Euro 2020’. ‘Dardanët’, në sfidën e fundit në Grupin A, u mposhtën 0-4 në ‘Fadil Vokrri’ nga Anglia, skuadër e cila i shënoi dhe humbjen e parë në shtëpi në këto eleminatore.

Kosova në këtë sfidë ishte me disa mungesa, si Arbër Zeneli, Herolind Shala, Hekuran Kryeziu dhe Vedat Muriqit, dhe e pati të pamundur  të rrezikonte “Tre Luanët”.

Harry Winks i Tottenham zhbllokoi rezultatin duke realizuar për 0-1 në minutën e 32-të, që doli të jetë rezultati i pjesës së parë. Në atë të dytë, anglezët e gjetën rrjetën edhe tre herë, shënuan Harry Kane (79’), Marcus Rashford (83’) dhe Mount (90’), për rezultatin përfundimtar 0-4.

Edhe pse ndeshja përfundoi me humbje ëndrra vijon për Kosovën, pasi në mars do të luftojnë sërish për Euro 2020, në ndeshjen kundër Maqedonisë në Ligën e Kombeve. 

 

Në nisje të ndeshjes, tifozët e Kosovës kanë surprizuar lojtarët e Anglisë, pasi gjatë kohës kur po këndohej himni i “Tre luanëve”, ata ngritën flamurët anglezë në të gjithë stadiumin, teksa edhe në banerin e tyre  shkruhej “Ëelcome & Respect”.

FORMACIONET

KOSOVA: Muriç, Hadërgjonaj, Aliti, Rrahmani, Vojvoda, Dresheviç, Berisha, Kololli, Celina, Rashica, Nuhiu.

ANGLIA: Pope, Aleksander-Arnold, ChilWell, Rice, Meguire, Mings, Sterling, Chambarlain, Kane, Winks, Hudson-Odoi.

(A.B. Dosja.al)

Shto Koment