Sport

SUPERIORE/ Analiza se kush shënon më shumë, Laçi e gjen portën me të gjithë skuadrën, Ibraimi “xhol” në sulmin e Kukësit

Për të bërë një analizë FSHF ka marrë në studim dhjetë golashënuesit më të mirë të kampionatit dhe kemi vënë re diferencat në stilin e lojës së tyre.
Featured image of article: SUPERIORE/ Analiza se kush shënon më shumë, Laçi e gjen portën me të gjithë skuadrën, Ibraimi “xhol” në sulmin e Kukësit Tirana-Vllaznia

SHQIPËRI-Javët kanë rrjedhur dhe po i afrohemi fundit të një kampionati shumë të luftuar. Si kurrë më parë gjatë këtij sezoni, detajet do të bëjnë diferencën në këto 6 javë të mbetura dhe sulmuesve të skuadrave i kërkohet të japin më të mirën e tyre. Për të bërë një analizë kemi marrë në studim dhjetë golashënuesit më të mirë të kampionatit dhe kemi vënë re diferencat në stilin e lojës së tyre. Përjashtimi në këtë klasifikimi përfaqësohet nga Idriz Batha, që falë goditjeve të tija të dënimit i ka dhënë shumë pikë Tiranës. Dallohet në këtë klasifikim edhe mungesa e lojtarëve të Laçit, sepse skuadra kurbinase i ka të shpërndara golat te shumë lojtarë.

Dy sulmuesit e Kukësit ndërkohë kanë në total 70% të golave të skuadrës së tyre. Një indikator që bën të kuptosh sesa lojtarët arrijnë të ngjisin në sulm skuadrën e tyre dhe në të njëjtën kohë e ndihmojnë duke krijuar raste për gol është ajo e topave të prekur në zonën e rreptësisë. Këto të dhëna i keni në grafikun e mëposhtëm. Sulmuesi i Bylisit, Anthony Beji është lojtari që prek më shumë topa në zonën e rreptësisë, i ndjekur në këtë klasifikim nga Dejvi Bregu që edhe pse aktivizohet në krah, arrin të jetë i pranishëm shpesh herë në 16 metrat e fundit.

Për më shumë bëhu pjesë e grupit më viral në Facebook, Dosja.al

Bregu është gjithashtu lojtari që tenton më shumë goditjet nga jashtë zonës me një mesatare prej 2.77 për ndeshje, i ndjekur nga Ibraimi dhe Gjata. Anthony dhe Eze, dy sulmuesit e tjerë që ngjisin skuadrën në zonën kundërshtare, gjuajnë më pak në krahasim me lojtarin e Teutës. Vllaznia merr kreun me një lojtar, më saktësisht Ardit Hoxhajn në lidhje me efikasitetin e goditjeve. Vlonjati është lojtari më produktiv referuar goditjeve që lëshon drejt portës kundërshtare. Bomberi i shkodranëve e ka gjetur rrjetën në 29.2 % të rasteve kur ka vendosur në shënjestër katërkëndëshin e skuadrës rivale. Statistikë e frikshme që reflekton cinizmin e lojtarit më produktiv të skuadrës së Thomas Brdaric.

E.Ç (Dosja.al)

Shto Koment