Politike

Sulmi i Spiropalit kundër zëdhënësit të PPE, Paloka: Gahler është një mik i Shqipërisë, një sqarim për “nafijen e partisë”

Paloka shkruan se sulmi i qeverisë ndaj zëdhënësit të Partisë Popullore Europiane, Michael Gahler, është një turp për Edi Ramën.  
Featured image of article: Sulmi i Spiropalit kundër zëdhënësit të PPE, Paloka: Gahler është një mik i Shqipërisë, një sqarim për “nafijen e partisë” Edi Paloka, Michael Gahler dhe Elisa Spiropali

TIRANË- Nënkryetari i Partisë Demokratike, Edi Paloka, ka I është përgjigjur ministres Elisa Spiropali e cila sulmoi zëdhënësin e Partive Popullore Evropian,e Michael Gahler. Në një reagim në mediat sociale, Paloka shkruan se sulmi i qeverisë ndaj zëdhënësit të Partisë Popullore Europiane, Michael Gahler, është një turp për Edi Ramën.  

Sipas ish-deputetit të Partisë Demokratike, shton se është e pandershme që qeveria ta trajtojë mikun gjerman si armik, vetëm pse Michael Gahler tha të vërtetën.

Sulmi i qeverisë ndaj zëdhënësit të Partisë Popullore Europiane, Michael Gahler, është një turp për Edi Ramën. Michael Gahler është një mik shumë i mirë i Shqipërisë. Është një nga shumë miqtë e PPE-së në Parlamentin Europian, i cili ka ndihmuar Shqipërinë në rrugën e integrimit, sa herë ka patur nevojë. Këtë rrugë Edi Rama po e bën shumë të vështirë, e ka bllokuar prej gati 7 vjetësh, vetëm për interesin personal.

Është e pandershme që qeveria ta trajtojë mikun gjerman si armik, vetëm pse Michael Gahler tha të vërtetën: Me ndryshimet e njënashme kushtetuese marrëveshja e arritur me opozitën u zhbë, partnerët nga BE dhe vendet anëtare nuk u dëgjuan, rregullat e lojës për zgjedhje u ndryshuan në mënyrë të njëanshme.

Për më shumë bëhu pjesë e grupit më viral në Facebook, Dosja.al

Fyes për shqiptarët është të mashtrosh partnerët, është t’u premtosh marrëveshje dhe pastaj ta grisësh atë. Tradhti ndaj interesave të shqiptarëve është të shpërfillësh paralajmërimet e Bashkimit Europian dhe të izolosh vendin.

Fyes dhe kriminal është përdorimi i disa deputetëve pa mandat si fasadë për llogaritë e Ramës kundër interesit të shqiptarëve. Dhe një sqarim të fundit vetëm për “nafijen e partisë”, Elisa Spiropalin. Kur Edi Rama të të sjellë gati tekstin e sulmit për ndonjë mik tjetër të Shqipërisë, kërkoji foton e saktë. Ky që të kanë dhënë, nuk është Michael Gahler”, shkruan Paloka.

Më herët, ministrja e Shtetit për Marrëdhëniet me Parlamentin, Elisa Spiropali i ka kthyer një përgjigje Partisë Popullore Evropiane, ku ka theksuar “Parlamenti i Shqipërisë nuk është as i njëanshëm, as në varësi të ndonjë familjeje partiake në Bruksel”. Nëpërmjet një postimi në Facebook, Spiropali thekson se opozita shqiptare ka djegur mandatet  dhe nuk ka ndonjë të drejtë hyjnore mbi Parlamentin e mbi qeverinë. Ajo i bën thirrje zëdhënësit Michael Gahler që të mos fyejë në emër të Lulzim Bashës dhe të mos nxisë përçarje në vend.

(A.B. Dosja.al)

Shto Koment